Sport

Ísland rétt á undan Ísrael | Átta greinar eftir

Guðmundur Marinó Ingvarsson skrifar
Aníta Hinriksdóttir stóð fyrir sínu í hitanum
Aníta Hinriksdóttir stóð fyrir sínu í hitanum mynd/Gunnlaugur Júlíusson
Ísland er enn í öðru sæti 3. deildar Evrópukeppni landsliða í frjálsum íþróttum í Georgíu þegar aðeins átta greinar eru eftir.

Kýpur er með öruggt forskot í efsta sæti samkvæmt bráðabirgðaútreikningum íslenska hópsins í Tiblisi. Kýpur er með 409,5 stig og Ísland kemur þar á eftir með 380 stig. Ísrael er sem fyrr í þriðja sæti, nú með 371,5 stig.

Aníta Hinriksdóttir varð önnur í 1500 metra hlaupi á tímanum 4:08,58 mínútum. Hrafnhildur Eir Hermóðsdóttir náði einnig öðru sæti í 200 metra hlaupi kvenna. Hún kom í mark á 24,31 sekúndu.

Mark Johnson varð þriðji í stangarstökki þegar hann vippaði sér yfir 4,65 metra. Bjarki Gíslason stökk 14,95 metra í þrístökki sem skilaði honum í 7. sæti.

Stefán Árni Hafsteinsson varð áttundi í kringlukasti með kast upp á 47,14 metra og Arnar Pétursson varð 7. í 3000 metra hindrunarhlaupi karla á 9:56,69 mínútum.




Fleiri fréttir

Sjá meira


×