Innlent

Foreldrar Harrietar búnir að kæra úrskurð Þjóðskrár

ingvar haraldsson skrifar
Kristín Cardew, afhendir starfsmanni Innanríkisráðuneytisins kæru á hendur Þjóðskrá vegna úrskurðar um að neita Harriet Cardew um vegabréf. Lilja, eldri systir Harriet var með í för.
Kristín Cardew, afhendir starfsmanni Innanríkisráðuneytisins kæru á hendur Þjóðskrá vegna úrskurðar um að neita Harriet Cardew um vegabréf. Lilja, eldri systir Harriet var með í för. vísir/gva

Kristín Cardew, móðir Harrietar Cardew, stúlkunnar sem Þjóðskrá neitar um vegabréf er búinn að kæra úrskurð Þjóðskrár til Innanríkisráðuneytisins.

Kristín afhenti kæruna formlega í morgun. Þar kemur fram að fjölskyldunni sé mikið í mun að málið fái flýtimeðferð og Harriet verði úthlutað vegabréf sem fyrst því fjölskyldan er panta ferð til Frakklands næsta þriðjudag.

Líkt og kom fram í Fréttablaðinu í dag segir Sólveig Guðmundsdóttir, sviðstjóri Þjóðskrársviðs Þjóðskrár Íslands að verklagsbreyting árið 2010 hafi orðið til að Harriet er nú synjað um vegabréf. Sólveig telur að lagabókstafurinn sé skýr: „Í honum segir að við getum einungis útgefið persónuskilríki og vegabréf til þeirra sem hafa gilt eiginnafn eða millinafn. Ef mannanafnanefnd hefur ekki samþykkt einhver ákveðin nöfn er í sjálfu sér ekkert sem við hjá Þjóðskrá getum gert.“

Í kærunni segir að í lögum um vegabréf sé þess ekki krafist að fullt nafn samkvæmt nafnalögum standi í vegabréfi. Útgáfa vegabréfa hafi þar að auki ekki verið framkvæmd þannig enda hefur Harriet fengið íslenskt vegabréf fram til þessa. Þar hefur staðið stúlka Cardew.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.