Innlent

Sakaður um að hafa svikið út skyndi­bita fyrir 350 þúsund

Kjartan Atli Kjartansson skrifar
Sigurður Ingi Þórðarson, einnig þekktur sem Siggi hakkari.
Sigurður Ingi Þórðarson, einnig þekktur sem Siggi hakkari.

Sigurður Ingi Þórðarson, betur þekktur sem Siggi Hakkari, er sakaður um að hafa svikið út skyndibita að andvirði 350 þúsund krónur á árunum 2012-2013. Þetta kemur fram í ákæru á hendur Sigurði, en þingfesting málshöfðunar gegn honum fer fram á morgun.



Sigurður á að hafa svikið út skyndibitann með því að stunda reikningsviðskipti í nafni tveggja fyrirtækja sem hann átti ekki. Hann er sakaður um að hafa sölsað undir sig annað fyrirtækið með því að svíkja eigandann.



Samkvæmt ákærunni var Sigurður tíður gestur á American Style, KFC og Subway. Alls er hann sakaður um að hafa svikið tæpar 150 þúsund krónur af fyrirtækinu FoodCo sem er rekstraraðili American Style, Eldsmiðjunnar og Greifans á Akureyri. Sigurður á að hafaborðað á öllum þremur stöðunum.



Sigurður á einnig að hafa svikið út rúmar 110 þúsund krónur í pizzum frá Domino‘s, tæpar 29 þúsund krónur í kjúklingum frá KFC og samlokur frá Subway fyrir rúmar tuttugu þúsund krónur. Honum er einnig gert að sök að hafa svikið út 43.300 krónur í veitingum frá TGI Fridays í Smáralind.



Ofan á skyndibitana bætast svo tvær heimsóknir á steikhúsið Argentínu. Þar pantaði Sigurður mat fyrir rúmar 33 þúsund krónur. Meint svik Sigurðar á fyrirtækjum í veitingarekstri nema því 382.128 krónum í heildina.



Meint þýfi og svik Sigurðar eru metin á rúmar þrjátíu milljónir. Hann er sakaður um að hafa sölsað undir sig útgáfufyrirtæki með því að blekkja eiganda fyrirtækisins árið 2013. Strax í kjölfarið fjölgaði meintum svikum mikið.



Í ákærunni er Sigurður sakaður um að hafa þóst ætla að kaupa útgáfufyrirtækið og falsa reikningsyfirlit og millifærslur og þannig gabbað eiganda fyrirtækisins. Sigurður varð með því prókúruhafi fyrirtækisins og stofnaði þannig til reikningsviðskipta við fjölda annarra fyrirtækja, án þess að greiða fyrir þeirra þjónustu. Áður hafði Sigurður notað nafn annars fyrirtækis til þess að stofna til reikningsviðskipta, árið 2012.



Sigurður er 22 ára gamall. Í fyrra var hann dæmdur fyrir kynferðisbrot gegn 17 ára pilti. Í kjölfarið var hann hnepptur í gæsluvarðhald vegna gruns um kynferðisbrot gegn fleiri piltum. 


Tengdar fréttir

Ítarlegt viðtal við Sigga hakkara í Rolling Stone

Sigurður Ingi Þórðarsonar, betur þekktur sem Siggi hakkari, viðurkennir að hafa stolið og lekið gögnum Milestone, fyrirskipað árásir á heimasíður íslenskra stofnana og greinir frá því hvernig hann sveik Julien Assange í ítarlegu viðtali sem birt verður í tímaritinu Rolling Stone síðar í janúar.

Siggi hakkari dæmdur í fangelsi fyrir kynferðisbrot

Sigurður Ingi Þórðarson, eða Siggi hakkari eins og hann hefur verið kallaður, var sakfelldur í Hæstarétti fyrir kynferðisbrot með því að hafa með blekkingum tælt dreng, sem þá var 17 ára.

Siggi hakkari sakaður um að hafa svikið út lúxusbíla

Sigurður Ingi Þórðarson er sakaður um að hafa svikið út notkun á lúxusbílum á borð við Land Cruiser 150, Audi A6, Volvo XC90 og Ford Explorer. Allir bílarnir voru nýir þegar meint svik áttu sér stað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×