Innlent

Tveggja tíma bið eftir Búlluborgurum í Köben

Nanna Elísa Jakobsdóttir skrifar
Löng bið er eftir borgurum.
Löng bið er eftir borgurum.

„Það er ótrúlegt að fólk skuli leggja það á sig að bíða svona lengi. Það er mikill heiður,“ segir Tómas Andrés Tómasson, betur þekktur sem Tommi á Búllunni, en Búllan opnaði í Kaupmannahöfn í dag.

Rúmlega tveggja tíma bið er eftir borgurum. „Í dag, fyrsta daginn, þá gefum við borgarana. Við höfum gefið 1000 borgara so far og ætlum að fara upp í 1200 stykki.“ Tommi hefur verið viðstaddur opnunina í dag en segist meira hafa verið til sýnis eða gagns. „Ég reyni að vera til hliðar og leggja blessun mína yfir þetta allt saman. Hef ekki beint verið að vinna við steikingu.“ Eiginlega allir sem vinna á dönsku Búllunni eru Íslendingar en bróðurparturinn af þeim talar dönsku að sögn Tomma.

Danirnir virðast vera hrifnir af borgurunum hingað til en Tommi segir það lítið að marka þar sem að borgararnir eru gefins. „En eins og við skynjum þetta þá hefur fólk verið ánægt.“

Staðurinn er í Kødbyen sem er talið töff hverfi í Kaupmannahöfn og sérstaklega vinsælt hjá ungu fólki. 

Starfsmennirnir á dönsku Búllunni eru langflestir íslenskir.

.

Tommi skellti sér upp á þak til þess að ná mynd af mannskaranum. Mynd/Valdimar Geir Halldórsson

.

Röðin var orðin vel löng eins og sjá má á þessari mynd. Mynd/Dagmar Ýr Arnardóttir

.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira