Viðskipti innlent

Imon-málið: Sigurjón og Elín sýknuð

Stefán Árni Pálsson skrifar
Steinþór Gunnarsson, Elín Sigfúsdóttir og Sigurjón Þ. Árnason.
Steinþór Gunnarsson, Elín Sigfúsdóttir og Sigurjón Þ. Árnason.

Dómsuppsaga í Imon-málinu var í dag í Héraðsdómi Reykjavíkur en Sigurjón Þ. Árnason, fyrrverandi bankastjóri Landsbankans, og Elín Sigfúsdóttir, fyrrverandi framkvæmdastjóri fyrirtækjasviðs, voru bæði sýknuð. Steinþór Gunnarsson, fyrrverandi forstöðumaður verðbréfamiðlunar, var aftur á móti dæmdur í níu mánaða fangelsi, þar af hálft ár á skilorði.

Í málinu eru þrír fyrrverandi stjórnendur Landsbankans ákærðir fyrir markaðsmisnotkun vegna lánveitinga til félagsins Imon ehf. til að kaupa hlutabréf í Landsbankanum í miðju bankahruni eða þremur dögum fyrir setningu neyðarlaganna.

Málið er höfðað af embætti sérstaks saksóknara þar sem þau Sigurjón, Elín, og Steinþór voru ákærð í tengslum við sölu bankans á bréfum í sjálfum sér með 5 milljarða króna láni til félagsins Imon ehf. sem var í eigu Magnúsar Ármann.

Sakarkostnaður Sigurjóns og Elínar mun greiðast úr ríkissjóði en helmingur sakarkostnaðar Steinþórs verður einnig greiddur af ríkissjóði. Samtals greiðir ríkið því tæplega 30 milljónir í sakarkostnað í málinu

Steinþór er ákærður fyrir markaðsmisnotkun fyrir að hafa með því að kynna kaup Ímons á hlutabréfum í bankanum sem raunveruleg viðskipti, en ákæruvaldið telur að aðeins hafi verið um sýndarviðskipti að ræða.

Steinþór Gunnarsson var dæmdur í níu mánaða fangelsi. visir/vilhelm

Sigurður G. Guðjónsson, verjandi Sigurjóns Þ. Árnasonar, segir þá vera mjög ánægða með þessa niðurstöðu.

„Við höfum haldið því fram frá upphafi að hann sé saklaus og því kemur þetta ekki á óvart,“ sagði Sigurður í samtali við Vísi.


Tengdar fréttir

Sigurjón fór mikinn í ræðu sinni í héraðsdómi

Aðalmeðferð hófst í Imon málinu í dag. Meðal ákærðu er Sigurjón Þ. Árnason fyrrverandi bankastjóri Landsbankans sem hélt þrumuræðu þar sem hann kannaðist ekkert við þær sakir sem hann er borinn.

„Við vorum bara að sinna því sem okkur bar“

Steinþór Gunnarsson, fyrrverandi forstöðumaður verðbréfamiðlunar Landsbankans, sagðist ekkert hafa gert af sér í Imon málinu í dag, honum hafi verið óheimilt að hafa upplýsingar um fjármögnun lánaviðskipta.

Sonurinn enn að jafna sig á handtöku föður

Fyrrverandi yfirmaður verðbréfamiðlunar Landsbankans segir son sinn enn vera að jafna sig á því þegar hann horfði á föður sinn handtekinn í harkalegum aðgerðum sérstaks saksóknara vegna rannsóknar á Imon-málinu. Hann telur hörku í húsleit og handtöku algjörlega þarflausa enda hafi þetta verið tveimur og hálfu ári eftir að viðskiptin sem ákært var fyrir áttu sér stað.

Látum ekki lögfræðilega hafvillu bera okkur frá ströndum réttarríkisins

Við úrlausn réttarágreinings, hvort heldur er í einka- eða sakamálum, hjá stjórnvöldum eða fyrir dómstólum, vilja borgarar sérhvers lýðræðis ríkis búa við þá vissu, að bæði stjórnvöld og dómstólar beiti úrlausnarvaldi sínu óhlutdrægt, innan hæfilegs tíma og í samræmi við lög sem birt höfðu verið áður en ágreiningur reis. Þegnar ríkja sem búa við þessa vissu, þetta öryggi, eru sagðir búa í réttarríki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
8,59
18
497.674
VIS
2,24
11
218.365
MARL
1,61
7
128.233
SJOVA
1,59
4
287.843
N1
1,4
12
371.092

Mesta lækkun dagsins


Félag
Br.%
Fjöldi
Velta*
ICEAIR
-0,97
17
110.198
REGINN
-0,96
4
62.500
EIM
-0,42
2
19.771
HEIMA
0
4
22.447
Velkomin á Vísi. Þessi vefur notar vafrakökur. Sjá nánar.