Bílar

McLaren 650S er 8,4 sekúndur í 200

Finnur Thorlacius skrifar

Hinn nýi McLaren 650S er sneggri í 200 km hraða en flestir bílar í 100 km hraða. Hann kostar líka sitt, eða um 37 milljónir króna í Bretlandi. Eins og nafn bílsins gefur til kynna er hann vopnaður 650 hestafla vél, 3,8 lítra og fær mikið aukaafl frá tveimur forþjöppum.

Hún skilar bílnum í 100 km hraða á 3 sekúndum sléttum og kvartmíluna klárar hann á 10,5 sekúndum. Þessi bíll er ekki síst settur til höfuðs Ferrari 458 Speciale og hefur það t.d. fram yfir hann að klára kvartmílun á hálfri sekúndu styttri tíma.

MaClaren segir að þessi bíll sé ekki með neinum málamiðlunum. Hann bjóði eigendum hans allt það besta, sé með glæsilega innréttingu og miklum búnaði, auk þess að slá við flestum brautarbílum í hraða. McLaren menn eru einnig afar stoltir af útliti bílsins og auðvelt er að taka undir það. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira