Innlent

Stefán Logi og Stefán Blackburn dæmdir í sex ára fangelsi

Kjartan Atli Kjartansson og Jakob Bjarnar skrifar
Stefán Logi Sívarsson og Stefán Blackburn.
Stefán Logi Sívarsson og Stefán Blackburn.
Stefán Logi Sívarsson var dæmdur í sex ára fangelsi í Héraðsdómi Reykjavíkur rétt í þessu, í Stokkseyrarmálinu svokallaða. Hann var einnig sviptur ökuréttindum í fjögur ár. Nafni hans, Stefán Blackburn, fékk einnig sex ára fangelsi. 

Davíð Freyr Magnússon fékk þriggja og hálfs árs dóm. Hinrik Geir Helgason fékk tvö og hálft ár og Gísli Þór Gunnarson í tvö ár og tvo mánuði.

Sakborningarnir voru dæmdir til að greiða fórnarlömbum milljónir í skaðabætur auk vaxta. Þá ber þeim einnig að greiða allan sakarkostnað. Til frádráttar dómi kemur gæsluvarðhaldsvist. Svo virðist sem dómari hafi tekið fullt tillit til krafna saksóknara.

Frá dómsuppkvaðningu nú eftir hádegi.vísir/valli


Ákæra ríkissaksóknara var í mörgum liðum og mest bar á þeim Stefáni Loga og Stefáni Blackburn. Báðir eiga þeir mikla brotasögu. Hinir mennirnir þrír eru fæddir árin 1990 og 1992 og hafa allir komið áður við sögu lögreglu.

Fimmmenningarnir voru kærðir fyrir mannrán á tveimur mönnum. Annar maðurinn, 22 ára, var félagi þeirra ákærðu. Hann mun hafa sagt Stefáni Loga frá ástarsambandi fyrrverandi kærustu Stefáns Loga og annars manns. Þessum 22 ára manni var haldið nauðugum í hálfan sólarhring og hann barinn illa, hann stunginn með skrúfjárni, dúkahníf og óhreinum sprautunálum af Stefáni Loga og Stefáni Blackburn. Hann mun einnig hafa verið skorinn víða og klippt í eyru hans.

Sakborningarnir voru ekki viðstaddir dómsuppkvaðninguna.vísir/valli


Hinn maðurinn sem þeir héldu nauðugum var 25 ára karlmaður sem átti að hafa átt í kynferðislegu sambandi við fyrrverandi kærsutu Stefáns Loga. Hann mun hafa verið barinn með kylfum ítrekað, hann skorinn og kveikt í kynfærum hans og brjóstkassa.

Við eitt höggið sem hann fékk í andlitið opnaðist efri vör mannsins. Hún var saumuð saman með garni og saumnál. Maðurinn var neyddur til þess að taka óþekktar töflur og hann sprautaður með óþekktu lyfi í rassinn.

Farið var með manninn á Stokkseyri. Þar á Stefán Blackburn að hafa slegið hann með belti og einhvers konar snúru í líkamann áður en maðurinn var skilinn eftir í kjallara hússins. Hann var aðeins klæddur í svartan plastpoka bundinn við burðarstoð.  

Húsráðandinn á Stokkseyri leysti hann úr haldi síðar um daginn. Húsráðandinn sætti gæsluvarðhaldi um skeið en var ekki ákærður. Maðurinn sem var numinn á brott krafðist rúmlega sex milljóna króna í bætur vegna málsins.

Stefán Logi var einnig ákærður fyrir að hafa ráðist á fyrrverandi kærustu sína í október 2012, vafið belti af baðslopp um háls hennar og dregið hana um þannig að henni lá við köfnun, og síðan 30. júní í sumar ráðist inn til hennar og foreldra hennar og hótað henni og föður hennar lífláti.

Þá var Stefán Logi ákærður fyrir fíkniefnaakstur sex sinnum á tímabilinu 3. mars til 17. maí í ár.


Tengdar fréttir

Íbúar á Stokkseyri skelkaðir

Íbúar á Stokkseyri eru skelkaðir eftir að manni var haldið nauðugum í húsi bænum þar sem hann var pyntaður af ofbeldismönnum í sólarhring. "Sárgrætilegt og hræðilegur atburður", segir eigandi Shell skálans, þar sem maðurinn kom illa særður inn.

Gríðarleg leit vegna meints ofbeldishrotta - fjölskyldufólk stöðvað

Tveir menn voru handteknir við Laugarvatn í gærkvöldi eftir viðamiklar aðgerðir lögreglu. Málið tengist hrottalegri líkamsárás. Sjónarvottur við Laugarvatn var á leiðinni heim með fjölskyldu úr sumarfríi þegar við þeim blasti þyrla og lögregluleit.

Stokkseyrarmálið: Fórnarlambið sveipað plasti

Aðalmeðferð í Stokkseyrarmálinu hélt áfram í dag. Faðir Stefáns Loga Sívarssonar bar vitni sem og húsráðandi á Stokkseyri. Þá var spiluð skýrslutaka af vitni sem lést áður en aðalmeðferðin hófst.

Grunur um að vitnum í Stokkseyrarmálinu hafi verið hótað

Vitni hafa breytt framburði sínum fyrir dómi og kannast ekki við frásagnir sem þau gáfu við rannsókn Stokkseyrarmálsins hjá lögreglu. Ríkissaksóknari segir að úrræði vanti hjá lögreglu fyrir fólk sem óttast hefndaraðgerðir ofbeldismanna.

Sjónarvottar segja fórnarlambið hafa verið vankað og blóðugt

Fórnarlambið var illa til reika og vankað. Hann var blóðugur, með marga skurði í andliti, bólginn og átti erfitt með að tala og var illskiljanlegur vegna þess hversu bólginn hann var. Einnig hékk laus flipi úr neðri vör mannsins á stærð við tíu krónu pening.hvern tíma.




Fleiri fréttir

Sjá meira


×