Viðskipti innlent

Forsætisráðherra sendir kröfuhöfum tóninn

Jón Júlíus Karlsson skrifar

Forsætisráðherra sendir kröfuhöfum gömlu íslensku bankanna aðvörun. Fari þeir í áróðursstríð þá eigi þeir ekki von á góðu. Störukeppni er á milli stjórnvalda og kröfuhafa. Ráðherra kallar eftir lagasetningu um starfsemi hagsmunagæsluaðila.

Sigmundur Davíð Gunnlaugsson forsætisráðherra var gestur Sigurjóns M. Egilssonar á Sprengisandi á Bylgjunni í morgun. Þar ræddi hann meðal annars frétt sem birtist nýverið á fréttaveitu Reuters.

Í greininni kemur fram Ísland sé orðið að eftirbát annarra ríkja sem fóru illa út úr kreppunni. Á meðan fjármagn streymir á ný inn í ríki líkt og Portúgal, Írland og jafnvel Grikkland, sitji Íslendingar eftir. Þar sé um að kenna harðri afstöðu stjórnvalda gagnvart kröfuhöfum gömlu íslensku bankanna. Sigmundur segir þetta alrangt og að augljóst sé kröfuhafar séu komnir í áróðursherferð.

„Þarna eru kröfuhafarnir að færa sig upp á skaftið í því áróðursstríði sem ég hef búist við alllengi. Ég held að það sé það sem við megum eiga von á í auknum mæli, að þeir beiti slíkum aðferðum,“ segir Sigmundur Davíð.

Vill setja lög um starfsemi hagsmunagæsluaðila
Forsætisráðherra telur að íhuga þurfi alvarlega að setja lög um starfsemi hagsmunagæsluaðila.

„Þetta er kannski enn ein áminningin um mikilvægi þess að við Íslendingar förum að huga að því að setja lög um ,lobbyisma' eða um áróður, ekki síst erlendra hagsmunaaðila, eins og svo mörg lönd hafa í sínu lagasafni.“

„Áróðursstríð mun ekki reynast þeim vel“
Líkja má stöðunni sem nú er uppi við störukeppni. Ekkert virðist benda til þess að lausn sé í sjónmáli. Sigmundur Davíð kallar eftir sanngjörnu tilboði frá erlendum kröfuhöfum.

„Við höfum sýnt kröfuhöfum þolinmæði og komið vel fram við þá miðað við aðstæður. Ef þeir ætla núna, í stað þess að leggja fram eðlilegt tilboð eða niðurstöðu, að fara í áróðursstríð, þá mun að það ekki reynast þeim vel.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
4
34.130
ORIGO
3,41
11
64.165
HAGA
3,34
9
116.729
FESTI
3,23
14
192.368
SIMINN
3,2
19
269.039

Mesta lækkun dagsins


Félag
Br.%
Fjöldi
Velta*
ICEAIR
-3,39
97
445.720
GRND
0
2
1.506
MARL
0
23
231.586
EIM
0
11
201.996
Velkomin á Vísi. Þessi vefur notar vafrakökur. Sjá nánar.