Lífið

Einn nammidagur í viku

Ellý Ármanns skrifar
Tanja Ýr.
Tanja Ýr. Myndir/arnold og einkasafn
Fegurðardrottningin Tanja Ýr Ástþórsdóttir er með markmiðin á hreinu. Svo er hún líka í hollustunni en hún ætlar að vera harðari við sjálfa sig því hún ætlar að  minnka skyndibitamat og fá sér sælgæti einu sinni í viku.

,,Já, reyni alltaf að setja mér hófleg markmið sem ég get staðið við. Í ár ætla ég að hugsa vel um bæði líkama og sál, hreyfa mig reglulega og borða hollt. Hugarfarið skiptir líka mjög miklu máli og langar mig til að verða enn jákvæðari í ár. Ég ætla að verða betri útgáfa af sjálfri mér 2014," segir hún.



Hvað með íþróttaiðkun árið framundan?  ,,Ég ætla að vera dugleg að nýta mér líkamsræktarkortið sem ég á í World Class, mæta í ræktina og sækja hóptíma sem eru í boði þar. Svo er það ágætis hreyfing sem ég fæ þegar ég fer út með hundinn. Einnig ætla ég að reyna að nýta allan tíma sem mér gefst í að fara á snjóbretti núna í vetur og brimbretti í sumar- ef veðrið verður gott."

Ætlar að minnka skyndibitamat

Þegar talið berst að mataræðinu segir Tanja: ,,Ég hef alltaf vanið mig á að velja hollari kostinn. Borða hollt fæði og borða reglulega. Í ár ætla ég að vera enn harðari við sjálfa mig og minnka skyndibitamat og leyfa mér bara einn nammidag í viku. En þrátt fyrir það þá er allt gott í hófi."

Frá vinstri: Helga Rún, Maren Sól, Tanja Ýr.

Kynntist æðislegu fólki

Hvað stendur uppúr hjá þér árið 2013?
 ,,Árið 2013 var mjög gott ár hjá mér. Ég byrjaði í nýjum skóla þar sem ég kynntist æðislegu fólki, fór til Neskaupstaðar í heimsókn til ömmu og afa, fór til Tenerife með fjölskyldunni, fékk sumarvinnu í Arion banka og svo hlaut ég titilinn Ungfrú Ísland í september. Sem sagt frábært ár að baki," segir hún áður en kvatt er.

Hér getur þú séð þegar Tanja Ýr var krýnd ungfrú Ísland (myndband).



Ungfrú Ísland 2013 - myndir.







Fleiri fréttir

Sjá meira


×