Lífið

Berjast fyrir Barnaspítalann

Kristjana Arnarsdóttir skrifar
Þeir Geir Ólafs og Rökkvi Vésteinsson ætla að reyna með sér í fangbragðaglímu. Allur ágóði bardagans rennur til Barnaspítala Hringsins.
Þeir Geir Ólafs og Rökkvi Vésteinsson ætla að reyna með sér í fangbragðaglímu. Allur ágóði bardagans rennur til Barnaspítala Hringsins.

„Ég er bara á fullu við það að undirbúa mig, undir bardaga ársins,“ segir söngvarinn Geir Ólafsson, en hinn 13. júlí ætlar hann að keppa við uppistandarann Rökkva Vésteinsson í glímu og mun allur ágóði renna óskertur til Barnaspítala Hringsins.

„Við Rökkvi erum kollegar í skemmtanaiðnaðinum, hann hefur verið að æfa jújítsú í einhvern tíma og ég hef verið að æfa júdó. Hann skoraði á mig að keppa við sig þar sem við reynum að blanda saman þessum tveimur greinum eins vel og hægt er. Þannig munum við svo berjast,“ segir Geir.

Glímt verður í þrjár fimm mínútna lotur, þar sem stig fást fyrir að þvinga andstæðinginn til uppgjafar eða kasta honum í gólfið með júdóköstum. Bardaginn fer fram í húsi bardagaíþróttaklúbbsins Mjölnis en Geir segist ekki hafa æft þar áður. „Ég æfi á fullu í Júdófélagi Reykjavíkur. Þar eru mínir stuðningsmenn.“

Miðasala á bardagann er hafin á Midi.is.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.