Blekkingar Þríhnúka ehf Björn Guðmundsson skrifar 6. júní 2013 08:51 Í fréttum RÚV 4. júní kom fram að OR vill draga úr umferð á vatnsverndarsvæði höfuðborgarsvæðisins. Hólmfríður Sigurðardóttir, umhverfisstjóri Orkuveitunnar, segir: „Mikil uppbygging í ferðaþjónustu á ákomusvæði vatnsbólanna veldur okkur áhyggjum, meðal annars vegna mikillar umferðar sem er fyrirhuguð inn á það svæði í tengslum við þessar framkvæmdir.“ Hólmfríður vísar til framkvæmda á vegum Þríhnúka ehf sem vilja leggja veg frá Bláfjöllum að Þríhnúkagíg og bora inn í gíginn í nafni náttúruverndar. Þríhnúkamenn hika ekki við að segja svart vera hvítt. Undirritaður hefur bent á að ferðamenn á vegum Þríhnúka ehf hafa valdið gróðurskemmdum með því að mynda 2-6 metra breiðan stíg um viðkvæmt land í 400-500 metra hæð. Einnig sér á viðkvæmum jarðmyndunum og gróðri í næsta nágrenni gígsins. 1. maí sl. sá ég að rifnar höfðu verið upp hraunhellur við gíginn og þær festar á málmteina sem stungið hafði verið í jörðina. Mér sýndist að borað hefði verið í gegnum hellurnar. Varla hafa ferðamenn séð um borvinnuna við að búa til tilgangslausa vörðuþyrpingu. Þetta sýnir auðvitað algera vanvirðingu fyrir náttúrunni. Flestir vita svo um óhappið þegar Þríhnúkamenn fóru ekki eftir reglum og helltu niður 600 lítrum af olíu á vatnsverndarsvæði höfuðborgarsvæðisins.Í mótsögn við sjálfan sig Árni B. Stefánsson, forsvarsmaður Þríhnúka, segir það úr takti að bregða fæti fyrir starfsemi í Þríhnúkagíg meðan rekstur skíðasvæðisins í Bláfjöllum er leyfður. Hann segir að menn eigi að bera virðingu fyrir náttúrunni og láta hana njóta vafans. Þarna er Árni í algerri mótsögn við sjálfan sig. Hann talar ekki um að gestafjöldinn í Bláfjöllum er um 50.000 manns á ári en hann ætlar eftir tíu ár að flytja 500.000 manns á ári ofan í Þríhnúkagíg. Það kalla ég ekki að láta náttúruna njóta vafans. Sjálfumgleði Árna er þvílík að honum finnst sjálfsagt að Þríhnúkamenn fái að hafa Þríhnúkagíg að féþúfu þótt það hafi í för með sér náttúruspjöll og áhættu fyrir vatnsbólin okkar. Í frétt RÚV segir: „En það er ekki bara vatnið sem þarf að vernda segja Þríhnúkamenn. Gígurinn muni líka skemmast ef ekkert verður að gert. Forsvarsmenn Þríhnúka segja einu raunhæfu verndina felast í því að stýra því fullkomlega hvernig ferðamenn koma hingað inn, það sé ekki hægt að loka. „Fólk bara einfaldlega lætur ekki bjóða sér að koma ekki hingað, við stjórnum ekki gönguhópunum sem koma hingað og gera göngustíga, við viljum koma kontról á þetta og verja umhverfið“ segir Árni.“ Árni B. Stefánsson hikar ekki við að skrökva að þjóðinni. Þríhnúkagígur var nánast óþekktur þegar þeim Þríhnúkamönnum datt í hug að þeir gætu grætt peninga á honum. Þeir auglýstu gíginn og selja ferðir ofan í hann og eingöngu þess vegna hafa ferðamenn streymt að gígnum undanfarin sumur. Þangað færu annars engir nema örfáir hella- og klifursérfræðingar. Hafi menn áhyggjur af því að slíkir menn skemmi gíginn er hægt að loka gígopinu rétt eins og gert hefur verið við suma hella. En Árni vill ekki láta loka Þríhnúkagíg því hann ætlar að græða peninga á honum. Starfsemi Þríhnúka ehf í Þríhnúkagíg undanfarin sumur er þjófstart sem ekki hefði átt að leyfa því fyrirsjáanlegt var að það myndi valda miklum náttúruspjöllum eins og raunin hefur orðið. Leyfisveitendur, þ.á m. Umhverfisstofnun, bera því mikla ábyrgð á spjöllunum. Óásættanlegar aðgerðir Hvað segir Hellarannsóknafélag Íslands? „Hellarannsóknafélag Íslands er alfarið á móti fyrirhuguðum framkvæmdum Þríhnúka ehf. í Þríhnúkagíg og nágrenni. Óafturkræfar aðgerðir sem þessar á einstökum náttúrufyrirbærum eru að okkar mati óásættanlegar og ekki á nokkurn hátt hægt að réttlæta. Við sjáum þetta einfaldlega ekki sem verndunaraðgerð. Þríhnúkagígur er einstakt jarðfræðifyrirbæri á heimsvísu og það er okkar skoðun að fyrirhuguð jarðgöng í gíginn séu ekkert annað en náttúruspjöll af verstu gerð. Jarðgöng sem boruð yrðu inn í ósnortið hraunið og inn í hellinn væri ekki hægt að taka til baka.[…]Við viljum einnig lýsa yfir áhyggjum af spillingu ósnortinna, nærliggjandi svæða sem kunna að verða fyrir skaða við framkvæmd Þríhnúka ehf. Vegum sem fyrirhugað er að leggja að gígsvæðinu er ætlað að liggja yfir Strompahraunið, sem inniheldur fjölda merkilegra hraunhella.[…]Því gæti skaði við vegagerð á svæðinu orðið óbætanlegur fyrir þessa hella.“ Málflutningur Þríhnúkamanna er ófyrirleitinn. Þeir segjast ætla að vernda Þríhnúkagíg og svæðið umhverfis hann með því að leggja þangað veg og bora svo inn í gíginn, sem er innan fólkvangs og þjóðlendu og á vatnsverndarsvæði helmings þjóðarinnar. Í hugum náttúruverndarfólks og ábyrgra aðila eru þetta ekkert annað en hryðjuverk sem verður að koma í veg fyrir. Viltu birta grein á Vísi? Sendu okkur póst. Senda grein Mest lesið Áttu efnaða foreldra eða ekki? Thelma Lind Jóhannsdóttir Skoðun Kennarar – á hraðbraut í kulnun Rakel Linda Kristjánsdóttir Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir Skoðun Meiri pening, takk Gunnar Úlfarsson Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun Er of mikill hiti í hleðslunni hjá þér? Ágúst Mogensen Skoðun Heilbrigðiskerfi Íslands – horfum til framtíðar Egill Steinar Ágústsson Skoðun Að skilja faglega Sævar Þór Jónsson Skoðun Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman Skoðun Hvað felst í frumvarpi til laga um breytingu á húsaleigulögum? Hildur Ýr Viðarsdóttir Skoðun Skoðun Skoðun Höfnum óeðlilegri hagnýtingu sjálfboðaliða Ástþór Jón Ragnheiðarson skrifar Skoðun Að skilja faglega Sævar Þór Jónsson skrifar Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson skrifar Skoðun Áttu efnaða foreldra eða ekki? Thelma Lind Jóhannsdóttir skrifar Skoðun Farsæl hagræðing í kjötiðnaði innan ramma samkeppnislaga Ólafur Stephensen skrifar Skoðun Kennarar – á hraðbraut í kulnun Rakel Linda Kristjánsdóttir skrifar Skoðun Heilbrigðiskerfi Íslands – horfum til framtíðar Egill Steinar Ágústsson skrifar Skoðun Er of mikill hiti í hleðslunni hjá þér? Ágúst Mogensen skrifar Skoðun Hvað felst í frumvarpi til laga um breytingu á húsaleigulögum? Hildur Ýr Viðarsdóttir skrifar Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir skrifar Skoðun Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman skrifar Skoðun Varnargarðar utan um fólkið í Grindavík Guðbrandur Einarsson skrifar Skoðun Meiri pening, takk Gunnar Úlfarsson skrifar Skoðun Gervigreind og máttur tungumálsins Þorsteinn Siglaugsson skrifar Skoðun Sameinum 2. og 3. deild karla í knattspyrnu Bergvin Oddsson skrifar Skoðun Skynsamlegt að selja Íslandsbanka Teitur Björn Einarsson skrifar Skoðun Gleymdu börnin Kolbrún Pálsdóttir skrifar Skoðun Vinstri gráir Yngvi Óttarsson skrifar Skoðun Bændur eru líka neytendur Eyjólfur Ingvi Bjarnason skrifar Skoðun Hlutabréfafjárfesting er langtímafjárfesting Davíð Björnsson skrifar Skoðun Stuðningur úr óvæntri átt Hjörtur J. Guðmundsson skrifar Skoðun Loftslagsmál eru orkumál Nótt Thorberg skrifar Skoðun Framsókn klárar verkin Halla Signý Kristjánsdóttir skrifar Skoðun Þjóðarópera - stórt skref til framtíðar Andri Björn Róbertsson skrifar Skoðun Veiðum hval - virðum lög Þorsteinn Sæmundsson skrifar Skoðun Bestu árin Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar Skoðun Brunavarnir á byggingarsvæðum Böðvar Tómasson skrifar Skoðun Rödd þjóðarinnar Arnar Þór Jónsson skrifar Skoðun Opið bréf til matvælaráðherra - dýraníð í Borgarbyggð Árni Stefán Árnason skrifar Skoðun 1.500 undirskriftir fyrir forseta Björn Leví Gunnarsson,Indriði Ingi Stefánsson skrifar Sjá meira
Í fréttum RÚV 4. júní kom fram að OR vill draga úr umferð á vatnsverndarsvæði höfuðborgarsvæðisins. Hólmfríður Sigurðardóttir, umhverfisstjóri Orkuveitunnar, segir: „Mikil uppbygging í ferðaþjónustu á ákomusvæði vatnsbólanna veldur okkur áhyggjum, meðal annars vegna mikillar umferðar sem er fyrirhuguð inn á það svæði í tengslum við þessar framkvæmdir.“ Hólmfríður vísar til framkvæmda á vegum Þríhnúka ehf sem vilja leggja veg frá Bláfjöllum að Þríhnúkagíg og bora inn í gíginn í nafni náttúruverndar. Þríhnúkamenn hika ekki við að segja svart vera hvítt. Undirritaður hefur bent á að ferðamenn á vegum Þríhnúka ehf hafa valdið gróðurskemmdum með því að mynda 2-6 metra breiðan stíg um viðkvæmt land í 400-500 metra hæð. Einnig sér á viðkvæmum jarðmyndunum og gróðri í næsta nágrenni gígsins. 1. maí sl. sá ég að rifnar höfðu verið upp hraunhellur við gíginn og þær festar á málmteina sem stungið hafði verið í jörðina. Mér sýndist að borað hefði verið í gegnum hellurnar. Varla hafa ferðamenn séð um borvinnuna við að búa til tilgangslausa vörðuþyrpingu. Þetta sýnir auðvitað algera vanvirðingu fyrir náttúrunni. Flestir vita svo um óhappið þegar Þríhnúkamenn fóru ekki eftir reglum og helltu niður 600 lítrum af olíu á vatnsverndarsvæði höfuðborgarsvæðisins.Í mótsögn við sjálfan sig Árni B. Stefánsson, forsvarsmaður Þríhnúka, segir það úr takti að bregða fæti fyrir starfsemi í Þríhnúkagíg meðan rekstur skíðasvæðisins í Bláfjöllum er leyfður. Hann segir að menn eigi að bera virðingu fyrir náttúrunni og láta hana njóta vafans. Þarna er Árni í algerri mótsögn við sjálfan sig. Hann talar ekki um að gestafjöldinn í Bláfjöllum er um 50.000 manns á ári en hann ætlar eftir tíu ár að flytja 500.000 manns á ári ofan í Þríhnúkagíg. Það kalla ég ekki að láta náttúruna njóta vafans. Sjálfumgleði Árna er þvílík að honum finnst sjálfsagt að Þríhnúkamenn fái að hafa Þríhnúkagíg að féþúfu þótt það hafi í för með sér náttúruspjöll og áhættu fyrir vatnsbólin okkar. Í frétt RÚV segir: „En það er ekki bara vatnið sem þarf að vernda segja Þríhnúkamenn. Gígurinn muni líka skemmast ef ekkert verður að gert. Forsvarsmenn Þríhnúka segja einu raunhæfu verndina felast í því að stýra því fullkomlega hvernig ferðamenn koma hingað inn, það sé ekki hægt að loka. „Fólk bara einfaldlega lætur ekki bjóða sér að koma ekki hingað, við stjórnum ekki gönguhópunum sem koma hingað og gera göngustíga, við viljum koma kontról á þetta og verja umhverfið“ segir Árni.“ Árni B. Stefánsson hikar ekki við að skrökva að þjóðinni. Þríhnúkagígur var nánast óþekktur þegar þeim Þríhnúkamönnum datt í hug að þeir gætu grætt peninga á honum. Þeir auglýstu gíginn og selja ferðir ofan í hann og eingöngu þess vegna hafa ferðamenn streymt að gígnum undanfarin sumur. Þangað færu annars engir nema örfáir hella- og klifursérfræðingar. Hafi menn áhyggjur af því að slíkir menn skemmi gíginn er hægt að loka gígopinu rétt eins og gert hefur verið við suma hella. En Árni vill ekki láta loka Þríhnúkagíg því hann ætlar að græða peninga á honum. Starfsemi Þríhnúka ehf í Þríhnúkagíg undanfarin sumur er þjófstart sem ekki hefði átt að leyfa því fyrirsjáanlegt var að það myndi valda miklum náttúruspjöllum eins og raunin hefur orðið. Leyfisveitendur, þ.á m. Umhverfisstofnun, bera því mikla ábyrgð á spjöllunum. Óásættanlegar aðgerðir Hvað segir Hellarannsóknafélag Íslands? „Hellarannsóknafélag Íslands er alfarið á móti fyrirhuguðum framkvæmdum Þríhnúka ehf. í Þríhnúkagíg og nágrenni. Óafturkræfar aðgerðir sem þessar á einstökum náttúrufyrirbærum eru að okkar mati óásættanlegar og ekki á nokkurn hátt hægt að réttlæta. Við sjáum þetta einfaldlega ekki sem verndunaraðgerð. Þríhnúkagígur er einstakt jarðfræðifyrirbæri á heimsvísu og það er okkar skoðun að fyrirhuguð jarðgöng í gíginn séu ekkert annað en náttúruspjöll af verstu gerð. Jarðgöng sem boruð yrðu inn í ósnortið hraunið og inn í hellinn væri ekki hægt að taka til baka.[…]Við viljum einnig lýsa yfir áhyggjum af spillingu ósnortinna, nærliggjandi svæða sem kunna að verða fyrir skaða við framkvæmd Þríhnúka ehf. Vegum sem fyrirhugað er að leggja að gígsvæðinu er ætlað að liggja yfir Strompahraunið, sem inniheldur fjölda merkilegra hraunhella.[…]Því gæti skaði við vegagerð á svæðinu orðið óbætanlegur fyrir þessa hella.“ Málflutningur Þríhnúkamanna er ófyrirleitinn. Þeir segjast ætla að vernda Þríhnúkagíg og svæðið umhverfis hann með því að leggja þangað veg og bora svo inn í gíginn, sem er innan fólkvangs og þjóðlendu og á vatnsverndarsvæði helmings þjóðarinnar. Í hugum náttúruverndarfólks og ábyrgra aðila eru þetta ekkert annað en hryðjuverk sem verður að koma í veg fyrir.
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman Skoðun
Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson skrifar
Skoðun Hvað felst í frumvarpi til laga um breytingu á húsaleigulögum? Hildur Ýr Viðarsdóttir skrifar
Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir skrifar
Skoðun Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman skrifar
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman Skoðun