Innlent

Fyrri árásir ógnuðu ekki upplýsingaöryggi

Haukur Viðar Alfreðsson skrifar
Hrannar Pétursson, upplýsingafulltrúi Vodafone.
Hrannar Pétursson, upplýsingafulltrúi Vodafone.

Vodafone sá ekki ástæðu til að senda tilkynningu til Póst- og fjarskiptastofnunar eftir að ráðist var á vefsíðu fyrirtækisins í tvígang, þann 7. mars í fyrra og 3. maí í ár. Hrafnkell V. Gíslason, forstjóri Póst- og fjarskiptastofnunar, segir stofnunina ekki leggja mat á það hvers eðlis árásirnar hafi verið, eða hvort þær hafi ógnað upplýsingaöryggi.

Hrannar Pétursson, upplýsingafulltrúi Vodafone, segir upplýsingarnar sem CERT-ÍS netöryggissveit Póst- og fjarskiptastofnunarinnar óski eftir nái bara yfir þann tíma frá því hún varð til. Reglugerð um sveitina tók gildi 1. júní síðastliðinn, en báðar árásirnar voru gerðar fyrir þann tíma.

Að sögn Hrannars var upplýsingaöryggi ekki ógnað í árásunum tveimur. Útliti á forsíðu var breytt í þeirr fyrri, en í síðara skiptið var útliti á undirsíðu á vefnum breytt. „Ég ítreka að þessi sveit er stofnuð á þessu ári. Það sem við munum senda henni héðan í frá átti auðvitað ekki við á þeim tíma.“

Hrannar segir þó að atvik sem þessi séu alltaf notuð til rýni frá fyrirtækinu. Það hafi fengið utanaðkomandi aðila til að gera úttektir og koma með úrbótatillögur. „Við höfum greinilega ekki gert nóg, en við erum ekki aðgerðalausir. Hér munu menn velta upp hverjum steini og ekki una sér hvíldar fyrr en þetta er orðið eins öruggt og hægt er að hafa það. Það ætti engum að dyljast hversu alvarlegum augum við lítum þetta mál eftir þetta atvik.


Tengdar fréttir

Leki sem snertir tugþúsundir einstaklinga

Gengi hlutabréfa Vodafone hríðféll í Kauphöllinni í dag og hafa fjölmargir viðskiptavinir sagt skilið við fyrirtækið. Eitt af fórnarlömbum lekans mikla um helgina ítrekar að prívat gögn séu prívat, þó að þeim sé stolið. Innanríkisráðherra fordæmir tölvuárásina.

Vodafonelekinn: Hefur djúpstæð áhrif á sálarheill fólks

"Þetta mun mögulega kom til með að hafa djúpstæðar afleiðingar á líf og líðan nokkurra einstaklinga," segir sálfræðingur um árásina á Vodafone. Þúsundir persónulegra skilaboða eru nú í dreifingu á meðal manna og getur slíkt haft alvarlegar afleiðingar fyrir sálarheill fólks.

Forstjóri Vodafone: Fyrirtækið rúið trausti

Fyrirtækið er rúið trausti, segir forstjóri Vodafone. Hann segir mistök hafa valdið því að viðkvæm gögn um viðskiptavini Vodafone hafi verið geymd lengur en lög geri ráð fyrir.

Þúsundir lykilorða komin á netið

30 þúsund kennitölur, ásamt símanúmeri og netföngum, eru meðal þeirra upplýsinga sem láku á netið í morgun. Hanna Birna Kristjánsdóttir segir ráðuneytið vinna í málinu með viðeigandi undirstofnunum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.