Innlent

Kötturinn Nuk fundinn: "Ég er mjög hamingjusöm“

Boði Logason og Valur Grettisson skrifar
"Ég fann hana fyrir klukkustund síðan, hún var undir skýli hérna á flugvallarsvæðinu,“ segir hún í samtali við fréttastofu.
"Ég fann hana fyrir klukkustund síðan, hún var undir skýli hérna á flugvallarsvæðinu,“ segir hún í samtali við fréttastofu. Mynd/365

Danski kötturinn Nuk, sem hefur verið leitað að síðasta sólarhring, er kominn í leitirnar og er hann heill á húfi.

Nuk strauk úr einkaþotu eiganda síns á Reykjavíkurflugvelli í gærkvöldi og leituðu björgunarsveitarmenn meðal annars að læðunni þar sem hún hefur ekki farið í sóttkví. Eigandinn, Susanne Alsing, sagðist ætla að borga þeim sem myndi finna kisa 100 þúsund krónur. 

En það er enginn sem fær þá upphæð þar sem hún fann köttinn sjálf. „Ég fann hana fyrir klukkustund síðan, hún var undir skýli hérna á flugvallarsvæðinu,“ segir hún í samtali við fréttastofu. 

Nuk var í góðu ásigkomulagi, en Susanne segir að hún hafi verið svolítið ringluð fyrst.  „En hún er í lagi núna, ég er mjög hamingjusöm,“ segir hún. 

Nánar verður fjallað um málið í Fréttablaðinu á morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira