Umfjöllun og viðtöl: Breiðablik - Aktobe 1-0 | Blikar úr leik eftir vítakeppni Guðmundur Marinó Ingvarsson á Laugardalsvelli skrifar 8. ágúst 2013 15:11 Mynd/Arnþór Breiðablik féll úr leik í þriðju umferð forkeppni Evrópudeildarinnar í kvöld eftir vítaspyrnukeppni gegn Aktobe frá Kasakstan. Breiðablik vann leikinn 1-0 en Aktobe vann fyrri leik liðanna með sömu markatölu. Ekkert var skorað í framlengingunni og því þurfti vítaspyrnukeppni til að knýja fram úrslit. Aktobe hóf leikinn betur en um miðbik fyrri hálfleiks venjulegs leiktíma sótti Breiðablik af krafti og sköpuðu nokkrum sinnum hættu upp við mark Aktobe áður en Finnur Orri Margeirsson skoraði eina mark leiksins. Sóknir Breiðablik komu flestar upp vinstri kantinn þar sem Kristinn Jónsson fór á kostum en eftir markið sótti Aktobe í sig veðrið en náði ekki að skapa hættu við mark Breiðabliks fyrr en um miðbik seinni hálfleiks þegar liðið fékk tvö færi en Gunnleifur gerði vel í markinu þegar á þurfti að halda. Mikið dró af Breiðabliki er leið á leikinn. Liðið lék undanúrslitaleik í bikar á milli leikjanna gegn Aktobe og voru margir leikmenn liðsins á síðustu dropunum undir lok venjulegs leiktíma. Engu að síður tókst liðinu að þrauka í gegnum framlenginguna og fékk auk þess frábært færi til að tryggja sér sigurinn í fyrri hálfleik framlengingarinnar en Andri Rafn Yeoman hitti ekki markið úr fínu færi. Aktobe fékk færi til að skora í seinni hálfleik framlengingarinnar en fundu ekki leiðina fram hjá Gunnleifi og því fór leikurinn í vítaspyrnukeppni. Aðeins varamaðurinn Nichlas Rohde náði að skora fyrir Breiðablik í vítakeppninni og því náði Breiðablik ekki að nýta sér að Aktobe klúðraði tveimur fyrstu spyrnum sínum. Grátlegt tap hjá Breiðabliki sem féll þó úr leik með sæmd. Nær því að komast áfram gat liðið ekki komist. Finnur: Leikplanið gekk fullkomlega upp„Svekkelsi fer fyrst í gegnum hugann eftir leikinn. Við erum að sjálfsögðu mjög stoltir af hverjum öðrum og ánægðir með þá frammistöðu sem við sýndum í dag,“ sagði Finnur Orri Margeirsson fyrirliði og markaskorari Breiðabliks eftir leikinn. „Leikplanið gekk eiginlega fullkomlega upp. Við pössuðum okkur á að halda markinu hreinu. Það gekk upp og við settum pressu á þá á þeim tímapunktum sem við ætluðum okkur og það gekk upp. Það vantaði herslumuninn. „Þeir eru með öflugt lið og pressuðu líka á okkur. Við tókum þetta í köflum. Settumst stundum aftar og pressuðum upp þá eins og við gerðum í framlengingunni. Mér fannst við setja pressu á þá í framlengingunni frekar en þeir á okkur. Um leið og við pressuðum á þá þá lentu þeir í veseni og náðu ekki að spila út og við leystum það ágætlega. „Þeir vilja spila mikið í stuttum sendingum og eru góðir í því. Við stóðumst flest áhlaupin þeirra,“ sagði Finnur Orri sem skoraði sitt fyrsta meistaraflokks mark í sínum 137. leik. „Það eru stærri hlutir sem skipta meira máli en ég neita því ekki að það var mjög gaman. „Menn taka sín víti og það er eins og það er. Það nær ekki lengra, skítur skeður,“ sagði Finnur Orri að lokum um vítakeppnina sem réði úrlitum í leiknum. Ólafur: Stoltið og ánægjan með vinnuframlagið yfirskyggir tapið„Þetta einvígi við Aktobe var frábært. Við fórum á gríðarlega erfiðan útivöll þar sem við töpum með marki úr víti á 89. mínútu. Við komum hér og gerum það sem þurfti til að koma okkur inn í einvígið,“ sagði Ólafur Kristjánsson sem segir engan leikmann í sínu liði vera blóraböggul þó fjögur af fimm vítum liðsins hafi farið forgörðum. „Þeir sem sitja uppi í stúku og hafa ekki tekið svona víti og segja hvernig sé hægt að klikka úr svona víti. Svona. Ég býð öllum að koma og taka svona víti. Ég kasta ekki ábyrgðinni á einn né neinn. Það er lukka frænka sem kemur stundum í heimsókn. Hún kom ekki í dag en gerir það einhvern tíman seinna. „Mér fannst leikurinn spilast vel og eins og ég hefði getað óskað mér. Við vorum með fjögurra manna varnarlínu í fyrri leiknum og lentum í basli á köntunum, sérstaklega hægra megin hjá okkur. Þar sóttu þeir stíft upp. „Í dag vorum við með fimm manna varnarlínu þegar við vörðumst aftarlega og náðum að loka miklu betur á þá og tveir framherjar gáfu okkur möguleika á skyndisóknum. Þetta mark var frábært. „Baráttan, hjartað og viljinn í mönnum var frábær. Skipulagið og aginn. Ég er mjög stoltur af liðinu. Stoltið og ánægjan með vinnuframlagið yfirskyggir sem betur fer þetta að tapa í vítakeppni. „Gæðalega áttum við í fullu tré við þetta Aktobe lið. Nú vinnum við úr þessu og tökum næsta skref að ári,“ sagði Ólafur brattur. „Þeir áttu ekki von á að við spiluðum eins og við gerðum því á köflum fórum við mjög hátt á þá og pressuðum þá. Það setti þá úr jafnvægi og það var hluti af taktíkinni að reyna að stressa þá. Ekki liggja bara til baka og leyfa þeim að hafa boltann,“ sagði Ólafur sem óttast ekki að lið sitt verði þreytt þegar liðið mætir FH á sunnudaginn í deildinni. „Hvar er þetta álag,“ grínaðist Ólafur. „Er það álag að spila þrjá leiki á viku í fimm vikur? Það er bara gleði. „Leikurinn gegn FH leggst gríðarlega vel í mig. Þar eru tvö frábær fótboltalið. FH-ingar voru gríðarlega flottir gegn Austria Vín í gær. Spiluðu góðan leik. Þeir halda svo flagginu á lofti fyrir íslenskan fótbolta áfram í Evrópukeppninni. Ég hefði gjarnan viljað vera með Breiðabliks liðið í þeim pakka en það verða tvö lið sem bítur ekkert á sem spila á sunnudaginn. Vandamálið er hjá okkur að ná árangri og hvergi annars staðar. Við mætum í leikinn fullir sjálfstraust,“ sagði Ólafur. Evrópudeild UEFA Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Liverpool úr leik þrátt fyrir sigur á Ítalíu Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Leverkusen neitar að tapa Fótbolti Fleiri fréttir Dagný ánægð að vera mætt aftur til æfinga Þjálfari Hákon Arnars: „Áttum skilið að fara áfram“ „Þurfum á öllum að halda fyrir loka áhlaup í deildinni“ Ósáttur með dómara leiksins: „Eins og að spila gegn fjórtán mönnum“ Rómverjar svífa um á bleiku skýi De Rossi Liverpool úr leik þrátt fyrir sigur á Ítalíu Leverkusen neitar að tapa Hákon Arnar lagði upp þegar Lille féll úr leik eftir vítaspyrnukeppni Markadrottningin mun ná þrettán árum hjá franska félaginu Hjartað var ekki vandamálið þegar Roma maðurinn hneig niður Slakt gengi City, Arsenal og Liverpool í Evrópu slæmar fréttir fyrir United Sjáðu ótrúlega vítakeppni gærkvöldsins: „Vá hvað þetta var skrýtið“ Neville orðlaus: „Var þetta gert opinbert á sínum tíma?“ Besta-spáin 2024: Svífa áfram á bleika skýinu Segir að Haaland hafi beðið um skiptingu Læknar sögðu Arnór heppinn að ekki skyldi hafa farið verr Besta-spáin 2024: Ekkert Murr Murr Klopp ætlar rifja upp frægu Barcelona ræðu sína í kvöld Skulda Ronaldo meira en milljarð og hafa kannski ekki efni á Alberti „Er eiginlega ennþá í sjokki“ Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Sjá meira
Breiðablik féll úr leik í þriðju umferð forkeppni Evrópudeildarinnar í kvöld eftir vítaspyrnukeppni gegn Aktobe frá Kasakstan. Breiðablik vann leikinn 1-0 en Aktobe vann fyrri leik liðanna með sömu markatölu. Ekkert var skorað í framlengingunni og því þurfti vítaspyrnukeppni til að knýja fram úrslit. Aktobe hóf leikinn betur en um miðbik fyrri hálfleiks venjulegs leiktíma sótti Breiðablik af krafti og sköpuðu nokkrum sinnum hættu upp við mark Aktobe áður en Finnur Orri Margeirsson skoraði eina mark leiksins. Sóknir Breiðablik komu flestar upp vinstri kantinn þar sem Kristinn Jónsson fór á kostum en eftir markið sótti Aktobe í sig veðrið en náði ekki að skapa hættu við mark Breiðabliks fyrr en um miðbik seinni hálfleiks þegar liðið fékk tvö færi en Gunnleifur gerði vel í markinu þegar á þurfti að halda. Mikið dró af Breiðabliki er leið á leikinn. Liðið lék undanúrslitaleik í bikar á milli leikjanna gegn Aktobe og voru margir leikmenn liðsins á síðustu dropunum undir lok venjulegs leiktíma. Engu að síður tókst liðinu að þrauka í gegnum framlenginguna og fékk auk þess frábært færi til að tryggja sér sigurinn í fyrri hálfleik framlengingarinnar en Andri Rafn Yeoman hitti ekki markið úr fínu færi. Aktobe fékk færi til að skora í seinni hálfleik framlengingarinnar en fundu ekki leiðina fram hjá Gunnleifi og því fór leikurinn í vítaspyrnukeppni. Aðeins varamaðurinn Nichlas Rohde náði að skora fyrir Breiðablik í vítakeppninni og því náði Breiðablik ekki að nýta sér að Aktobe klúðraði tveimur fyrstu spyrnum sínum. Grátlegt tap hjá Breiðabliki sem féll þó úr leik með sæmd. Nær því að komast áfram gat liðið ekki komist. Finnur: Leikplanið gekk fullkomlega upp„Svekkelsi fer fyrst í gegnum hugann eftir leikinn. Við erum að sjálfsögðu mjög stoltir af hverjum öðrum og ánægðir með þá frammistöðu sem við sýndum í dag,“ sagði Finnur Orri Margeirsson fyrirliði og markaskorari Breiðabliks eftir leikinn. „Leikplanið gekk eiginlega fullkomlega upp. Við pössuðum okkur á að halda markinu hreinu. Það gekk upp og við settum pressu á þá á þeim tímapunktum sem við ætluðum okkur og það gekk upp. Það vantaði herslumuninn. „Þeir eru með öflugt lið og pressuðu líka á okkur. Við tókum þetta í köflum. Settumst stundum aftar og pressuðum upp þá eins og við gerðum í framlengingunni. Mér fannst við setja pressu á þá í framlengingunni frekar en þeir á okkur. Um leið og við pressuðum á þá þá lentu þeir í veseni og náðu ekki að spila út og við leystum það ágætlega. „Þeir vilja spila mikið í stuttum sendingum og eru góðir í því. Við stóðumst flest áhlaupin þeirra,“ sagði Finnur Orri sem skoraði sitt fyrsta meistaraflokks mark í sínum 137. leik. „Það eru stærri hlutir sem skipta meira máli en ég neita því ekki að það var mjög gaman. „Menn taka sín víti og það er eins og það er. Það nær ekki lengra, skítur skeður,“ sagði Finnur Orri að lokum um vítakeppnina sem réði úrlitum í leiknum. Ólafur: Stoltið og ánægjan með vinnuframlagið yfirskyggir tapið„Þetta einvígi við Aktobe var frábært. Við fórum á gríðarlega erfiðan útivöll þar sem við töpum með marki úr víti á 89. mínútu. Við komum hér og gerum það sem þurfti til að koma okkur inn í einvígið,“ sagði Ólafur Kristjánsson sem segir engan leikmann í sínu liði vera blóraböggul þó fjögur af fimm vítum liðsins hafi farið forgörðum. „Þeir sem sitja uppi í stúku og hafa ekki tekið svona víti og segja hvernig sé hægt að klikka úr svona víti. Svona. Ég býð öllum að koma og taka svona víti. Ég kasta ekki ábyrgðinni á einn né neinn. Það er lukka frænka sem kemur stundum í heimsókn. Hún kom ekki í dag en gerir það einhvern tíman seinna. „Mér fannst leikurinn spilast vel og eins og ég hefði getað óskað mér. Við vorum með fjögurra manna varnarlínu í fyrri leiknum og lentum í basli á köntunum, sérstaklega hægra megin hjá okkur. Þar sóttu þeir stíft upp. „Í dag vorum við með fimm manna varnarlínu þegar við vörðumst aftarlega og náðum að loka miklu betur á þá og tveir framherjar gáfu okkur möguleika á skyndisóknum. Þetta mark var frábært. „Baráttan, hjartað og viljinn í mönnum var frábær. Skipulagið og aginn. Ég er mjög stoltur af liðinu. Stoltið og ánægjan með vinnuframlagið yfirskyggir sem betur fer þetta að tapa í vítakeppni. „Gæðalega áttum við í fullu tré við þetta Aktobe lið. Nú vinnum við úr þessu og tökum næsta skref að ári,“ sagði Ólafur brattur. „Þeir áttu ekki von á að við spiluðum eins og við gerðum því á köflum fórum við mjög hátt á þá og pressuðum þá. Það setti þá úr jafnvægi og það var hluti af taktíkinni að reyna að stressa þá. Ekki liggja bara til baka og leyfa þeim að hafa boltann,“ sagði Ólafur sem óttast ekki að lið sitt verði þreytt þegar liðið mætir FH á sunnudaginn í deildinni. „Hvar er þetta álag,“ grínaðist Ólafur. „Er það álag að spila þrjá leiki á viku í fimm vikur? Það er bara gleði. „Leikurinn gegn FH leggst gríðarlega vel í mig. Þar eru tvö frábær fótboltalið. FH-ingar voru gríðarlega flottir gegn Austria Vín í gær. Spiluðu góðan leik. Þeir halda svo flagginu á lofti fyrir íslenskan fótbolta áfram í Evrópukeppninni. Ég hefði gjarnan viljað vera með Breiðabliks liðið í þeim pakka en það verða tvö lið sem bítur ekkert á sem spila á sunnudaginn. Vandamálið er hjá okkur að ná árangri og hvergi annars staðar. Við mætum í leikinn fullir sjálfstraust,“ sagði Ólafur.
Evrópudeild UEFA Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Liverpool úr leik þrátt fyrir sigur á Ítalíu Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Leverkusen neitar að tapa Fótbolti Fleiri fréttir Dagný ánægð að vera mætt aftur til æfinga Þjálfari Hákon Arnars: „Áttum skilið að fara áfram“ „Þurfum á öllum að halda fyrir loka áhlaup í deildinni“ Ósáttur með dómara leiksins: „Eins og að spila gegn fjórtán mönnum“ Rómverjar svífa um á bleiku skýi De Rossi Liverpool úr leik þrátt fyrir sigur á Ítalíu Leverkusen neitar að tapa Hákon Arnar lagði upp þegar Lille féll úr leik eftir vítaspyrnukeppni Markadrottningin mun ná þrettán árum hjá franska félaginu Hjartað var ekki vandamálið þegar Roma maðurinn hneig niður Slakt gengi City, Arsenal og Liverpool í Evrópu slæmar fréttir fyrir United Sjáðu ótrúlega vítakeppni gærkvöldsins: „Vá hvað þetta var skrýtið“ Neville orðlaus: „Var þetta gert opinbert á sínum tíma?“ Besta-spáin 2024: Svífa áfram á bleika skýinu Segir að Haaland hafi beðið um skiptingu Læknar sögðu Arnór heppinn að ekki skyldi hafa farið verr Besta-spáin 2024: Ekkert Murr Murr Klopp ætlar rifja upp frægu Barcelona ræðu sína í kvöld Skulda Ronaldo meira en milljarð og hafa kannski ekki efni á Alberti „Er eiginlega ennþá í sjokki“ Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Sjá meira