Innlent

Hvalur 8 búinn að veiða eina langreyði

Kristján Loftsson, framkvæmdastjóri Hvals hf.
Kristján Loftsson, framkvæmdastjóri Hvals hf. Mynd/Vilhelm

Skipið Hvalur 8 veiddi í kvöld eina langreyði, samkvæmt upplýsingum fréttastofu. Skipið hélt út til veiða ásamt Hvali 9 í gærkvöldi. Gert er ráð fyrir að skipin komi í land í nótt eða í fyrramálið.

Heimild er fyrir að veiða 154 langreyðar en við það má bæta 20% af óveiddum dýrum frá fyrri vertíð, svo mögulega verða veidd 180 dýr.

Frá árinu 2009 hefur verið í gildi fimm ára leyfi um veiðar á tegundinni og rennur það því út í ár. Allar afurðir af langreyðunum verða sendar til Japan, utan mjöls og lýsis, og eru þær ætlaðar til manneldis.

Hátt í 200 manns fá vinnu vegna veiðanna, á sjó og landi og verða afurðirnar unnar í Hvalfirði, í Hafnarfirði og á Akranesi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira