Innlent

Bam Margera og félagar með tónleika á Íslandi í júlí

Jóhannes Stefánsson skrifar
Bam Margera hefur marga fjöruna sopið. Hann er væntanlegur til landsins í júlí.
Bam Margera hefur marga fjöruna sopið. Hann er væntanlegur til landsins í júlí. Mynd/ AFP

Bam Margera og félagar hans í CKY verða með tónleikana F***FACE UNSTOPPABLE í Hafnarhúsinu þann 24. júlí næstkomandi. Með í för verður Brandon Novak úr Jackass hópnum. Þeir eru allir þekktir fyrir óútreiknanlega hegðun sína.

Íslenska hljómsveitin Skálmöld mun hita upp fyrir sveitina, en hún mun taka lög af nýlegri plötu sinni Börn Loka í bland við önnur lög.

Guðlaugur Hannesson, sem sér um flytja sveitina til landsins, segir þá hafa haft samband og lýst yfir áhuga á að koma við á Íslandi sem lið í tónleikaferðalagi sínu um Evrópu. „Þeir vildu endilega koma til Íslands en þeir eru með tónleika í Finnlandi þarna fljótlega eftirá. Það var því ákveðið að þeir myndu koma hingað fyrst.“

Bam Margera kom til landsins í janúar á þessu ári til að taka upp myndband við lag sitt Bend My Dick To My Ass. Í myndbandinu má meðal annars sjá manninn henda sér fullklæddan í sundlaug og drekka eigið þvag.

Í þeirri sömu ferð varð hann valdur á stórtjóni á Land-Cruiser bifreið sem hann hafði á leigu. Hann gerði sér lítið fyrir og reiddi fram skaðabætur fyrir tjóninu samkvæmt frétt Vísis frá því í Janúar.

Miða á viðburðinn má fá á midi.is eða í verslun Mohawks í Kringlunni.

Myndbandið við lagið, sem var tekið upp hér á landi, má sjá hér að neðan. Myndbandið er ekki við hæfi barna.

 

Bam Margera - Bend my dick to my ass from Eric Carrillo on Vimeo.




Fleiri fréttir

Sjá meira


×