Fótbolti

Tímabilið mögulega búið hjá Kroos

Eiríkur Stefán Ásgeirsson skrifar
Nordic Photos / Getty Images

Toni Kroos, leikmaður Bayern München, verður frá næstu átta vikurnar ef marka má fréttir þýskra fjölmiðla. Standist það er ólíklegt að hann spili aftur á tímabilinu.

Kroos fór af velli þegar að Bayern vann 2-0 sigur á Juventus í fyrri leik liðanna í fjórðungsúrslitum Meistaradeildar Evrópu í gær.

Svo virðist sem að Kroos hafi meiðst á vöðva í mjöðm en það er ljóst að þetta er talsvert áfall fyrir sterkt lið Bayern.

„Þetta er mjög súrt," sagði þjálfarinn Jupp Heynckes eftir leikinn í gær. „Það er bara svo mikil synd fyrir ungan leikmann sem hefur spilað mjög vel á tímabilinu."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira