Matur

Hvernig væri að baka hollt brauð á þessum fallega sunnudegi?

Ellý Ármanns skrifar

Linda Hilmarsdóttir framkvæmdastjóri Hress í Hafnarfirði eða Linda í HRESS eins og hún er kölluð gefur okkur holla og gómsæta brauðuppskrift á þessum fallega sunnudegi. 

"Þetta er mjög þægileg uppskrift þar sem ekki þarf neinar græjur nema bakaraofn og bolla til að framkvæma. Engin vog eða vesen. Ég er ekki mikill bakari en þetta brauð geri ég reglulega mér og mínum til ánægju," segir Linda.

Girnileg útkoma hjá Lindu.

HAPP brauð með smá HRESS tvisti

3 bollar heilhveiti (bygg eða spelt - ég helli stundum einum bolla af próteinisjeik dufti út í)
1 1/2 bolli muslí (eða afgangar af grófu morgunkorni)
4 tsk lyftiduft
3/4 bolli volgt vatn
1/2 bolli AB mjólk ( jógúrt, súrmjólk, sýrður rjómi eða kotasæla)
1/2 bolli rúsinur
1/2 bolli grasker (eða önnur fræ eins og Chiafræ)
1/2 bolli sólfræ

Aðferð: Öllu blandað vel saman í hrærivel eða handhrært sem ég geri. Síðan sett í jólakökuform við 180° í ca. 45-50 mínútur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira