Innlent

Birgitta upplýsti um þreifingar formannanna á Facebook

Birgitta Jónsdóttir, þingmaður Hreyfingarinnar segir á Facebook-síðu sinni að hún hafi verið boðuð á fund formanna þingflokkanna og þar hafi komið fram að flokkarnir hafi náð samkomulagi um afgreiðslu mála.

Sjálf upplýsir Birgitta á síðu sinni hvað formennirnir semja um. Þar skrifar Birgitta: „Þau eru búin að semja um 40% þröskuld á breytingar á stjórnarskrá, ef mál er umdeilt þurfa um 80% allra á kjörskrá að mæta á kjörfund til að fá ákvæði samþykkt. Ekkert auðlindarákvæði, Bakki verður keyrður í gegn og náttúruverndarlögin verða ekki lögfest fyrr en eftir í fyrsta lagi eftir ár."

Þegar Vísir hafði samband við Birgittu sagði hún að alvarlegasta málið væri að breytingarnar varðandi stjórnarskrána þýddu að hún yrði aldrei samþykkt, enda 80% afar hátt hlutfall. Þannig kusu um helmingur þjóðarinnar í ráðgefandi þjóðaratkvæðagreiðslu um stjórnarskrána síðast.

Hún segir líka Vinstri græna fá sitt, sem er stóriðja á Bakka, eins og Steingrímur J. Sigfússon lofaði á sínum tíma. „Nú verður bara fundað fram eftir nóttu og málum komið í gegn," segir Birgitta.

Fundurinn formanna þingflokkanna stendur samt enn yfir og því ekki ljóst hvort þetta verði endanleg niðurstaða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira