Fótbolti

Hellas Verona tapaði grannaslagnum

Eiríkur Stefán Ásgeirsson skrifar
Nordic Photos / Getty Images

Emil Hallfreðsson spilaði allan leikinn þegar að lið hans, Hellas Verona, tapaði fyrir Padova í ítölsku B-deildinni í kvöld.

Leiknum lauk með 2-0 sigri Padova en um grannaslag var að ræða. Bæði mörk leiksins komu í seinni hálfleik.

Verona er sem fyrr í þriðja sæti deildarinnar með 53 stig en hefði með sigri í kvöld getað minnkað forystu Livorno í öðru sætinu í eitt stig.

Sassuolo er á toppnum með 64 stig, sjö stigum meira en Livorno. Padova er í sjötta sætinu með 42 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira