Enski boltinn

Mancini: Þetta er ekki búið

Eiríkur Stefán Ásgeirsson skrifar
Nordic Photos / Getty Images

Roberto Mancini, stjóri Manchester City, neitar að játa sig sigraðan í baráttunni um Englandsmeistaratitilinn.

City vann í kvöld 1-0 sigur á Aston Villa og minnkaði þar með forystu Manchester United á toppi deildarinnar í tólf stig á ný.

„Við verðum að halda áfram að vinna leiki og sjá til. Það er ekkert ómögulegt í fótbolta. Við vitum að þetta verður erfitt en við munum halda áfram að reyna," sagði Mancini eftir leikinn í kvöld.

„Tititlbaráttunni er ekki lokið hvað okkur varðar. Við erum að spila vel. Við fengum góð færi í kvöld og Aston Villa er með gott lið. Það er skrýtið að þetta sé lið í botnbaráttunni."

Jack Rodwell fór meiddur af velli í kvöld. „Hann var afar óheppinn. Ég var ánægður með frammistöðu hans gegn Chelsea en hann er nú tognaður aftan í læri," sagði Mancini.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira