Segir ekkert pláss fyrir kvenfélagið innan SÁÁ 5. mars 2013 13:14 Ilmur Kristjánsdóttir. Mynd / Valgarður Gíslason Það er dálítið djúpt á þessu, við erum ekki alveg búnar að átta okkur á andstöðunni," segir Ilmur Kristjánsdóttir leikkona, sem ásamt sjö öðrum konum vinna að stofnun nýs félags, sem hefur fengið nafnið Rótin – félag um málefni kvenna með áfengis- og fíknivanda. Þarna vísar Ilmur í átök kvennanna við formann SÁÁ. Félagið, sem til stendur að stofna fyrir utan SÁÁ, hét áður kvenfélag SÁÁ. Í tilkynningu sem félagið sendi frá sér í gærkvöldi sagði að þær konur, sem standa að stofnun Rótarinnar, stofnuðu í september 2012 Kvenfélag SÁÁ. Svo sagði í tilkynningunni: „Þar sem því félagi var ekki lengur vært innan SÁÁ ákvað ráð þess að boða til slitafundar." Útskýringar sem gefnar eru í tilkynningunni eru samstarfserfiðleikar við formann samtakanna, Gunnar Smára Egilsson, og síendurteknar ásakanir um að Kvenfélagið hafi unnið gegn SÁÁ og starfað í andstöðu við fagfólk og veikt þannig starfsemi samtakanna eins og segir í tilkynningunni. Ilmur segir konurnar ekki hafa fengið neinar útskýringar á þessari andstöðu formannsins og segir deiluna meðal annars kristallast í tölvupóstsamskiptum. „Það er greinilega ekkert pláss fyrir okkur," segir Ilmur um stöðu félagsins innan SÁÁ, en konurnar hafa það að markmiði að stofna sérstakt meðferðarúrræði fyrir konur. „Meðferðir eru mjög karlamiðaðar," segir Ilmur og tekur sem dæmi hart umhverfi meðferðastöðva. Hún segir félagið leitast við að spyrja spurninga eins og hvort meðferðarúrræðin, eins og þau eru í dag, henti konum. Hún bendir á að það sé til sérstök kvennameðferð, en félagið vill ganga lengra. Ilmur tekur sem dæmi að ungar konur sem koma í afeitrun á Vogi lendi gríðarlega oft í ástarsamböndum þar inni sem reynast þeim skaðleg. Það sé til að mynda eitthvað sem þurfi að breyta. Kvenfélag SÁÁ var stofnað síðasta haust en í tilkynningunni segir að þó að starfstími Kvenfélags SÁÁ hafi ekki verið langur, starfaði félagið nógu lengi til að sannfæra upphafskonur þess um nauðsyn þess að halda úti félagi sem beitir sér í málefnum kvenna með áfengis- og vímuefnavanda. Svo segir: „Þar sem enginn áhugi virðist vera á að skoða málefni þessa hóps með opnum huga innan SÁÁ var ekki annar kostur í stöðunni en að stofna til nýs félags." Í undirbúningshópnum sitja: Árdís Þórðardóttir, Guðrún Ebba Ólafsdóttir, Guðrún Kristjánsdóttir, Gunnhildur Bragadóttir, Ilmur Kristjánsdóttir, Katrín Björk Eyjólfsdóttir, Kristín I. Pálsdóttir og Þórlaug Sveinsdóttir. Stofnfundurinn verður haldinn 8. mars á alþjóðlegum baráttudegi kvenna. Félagið hefur fengið nafnið Rótin – félag um málefni kvenna með áfengis- og fíknivanda. Fundurinn verður haldinn í Kvennaheimilinu að Hallveigarstöðum, Túngötu 14 í Reykjavík, kl. 17.30.Hér fyrir neðan má lesa tilkynningu félagsins í heild sinni:Hinn 8. mars á alþjóðlegum baráttudegi kvenna er boðað til stofnfundar nýs félags, sem hefur fengið nafnið Rótin – félag um málefni kvenna með áfengis- og fíknivanda.Fundurinn verður haldinn í Kvennaheimilinu að Hallveigarstöðum, Túngötu 14 í Reykjavík, kl. 17.30.Markmið hins nýja félags eru, samkvæmt tillögu undirbúningshóps:Markmið Rótarinnar eru að stofna til umræðu um konur, fíkn, áföll og ofbeldi og huga að sérstökum meðferðarúrræðum fyrir konur. Félagið vill að komið sé á samstarfi á milli stofnana, samtaka og annarra fagaðila sem fást við vímuefnameðferð, ofbeldi og úrvinnslu áfalla. Félagið vill beita sér fyrir öflun upplýsinga og úrvinnslu fyrirliggjandi gagna um þessi málefni konum til góða, og stuðla að rannsóknum á þessu sviði. Ennfremur að afla þekkingar, halda fyrirlestra, standa að ráðstefnum og námskeiðum, eitt eða í samstarfið við önnur félög, og efla umræður um fíknitengd málefni sem snerta konur sérstaklega.Þær konur sem standa að stofnun félagsins stofnuðu í september 2012 Kvenfélag SÁÁ, sem hafði sömu markmið. Þar sem því félagi var ekki lengur vært innan SÁÁ ákvað ráð þess að boða til slitafundar og verður sá fundur haldinn á sama stað kl. 17.00, föstudaginn 8. mars 2013.Ástæður fyrir slitum Kvenfélags SÁÁ eru einkum samstarfserfiðleikar við formann SÁÁ og síendurteknar ásakanir um að Kvenfélagið hafi unnið gegn SÁÁ og starfað í andstöðu við fagfólk og veikt þannig starfsemi samtakanna. Þessar ásakanir eru rakalausar og hefur ráð Kvenfélagsins engin svör fengið við beiðni um rökstuðning, þrátt fyrir að ítrekað hafi verið óskað eftir honum.Þó að starfstími Kvenfélag SÁÁ hafi ekki verið langur, starfaði félagið nógu lengi til að sannfæra okkur upphafskonur þess um nauðsyn þess að halda úti félagi sem beitir sér í málefnum kvenna með áfengis- og vímuefnavanda. Þar sem enginn áhugi virðist vera á að skoða málefni þessa hóps með opnum huga innan SÁÁ var ekki annar kostur í stöðunni en að stofna til nýs félags.Félagið er komið með síðu á Facebook (https://www.facebook.com/rotin.felag) og netfang okkar, í bili að minnsta kosti, er rotin.felag@gmail.com.Í undirbúningshópnum sitja: Árdís Þórðardóttir, Guðrún Ebba Ólafsdóttir, Guðrún Kristjánsdóttir, Gunnhildur Bragadóttir, Ilmur Kristjánsdóttir, Katrín Björk Eyjólfsdóttir, Kristín I. Pálsdóttir og Þórlaug Sveinsdóttir. Mest lesið Verkefnið skapi níutíu störf og meðallaunin verði um 1,4 milljón á mánuði Innlent Grunaður um að hafa ráðið konu sinni bana Innlent Svona var Pallborðið með Höllu, Katrínu og Steinunni Ólínu Innlent Sjálfstæðisflokkurinn kvelji barnafólk með vettlingagjörningi Innlent Fluttur á sjúkrahús eftir að ekið var á Útlendingastofnun Innlent „Það er ástæða fyrir því að farið er í að rannsaka þetta andlát“ Innlent Biðst afsökunar á að hafa kallað skemmdarvarginn „fífl“ Innlent Halla Hrund fjórfaldar fylgi sitt á milli kannanna Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Segja valdarán framið og kirkju aðventista klofna Innlent Fleiri fréttir Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Réðst á barn sem gerði dyraat Grunaður um að hafa ráðið konu sinni bana Myndaði annan mann í sturtuklefanum Tíðni manndrápa í takt við fjölgun mannfjölda Sjá meira
Það er dálítið djúpt á þessu, við erum ekki alveg búnar að átta okkur á andstöðunni," segir Ilmur Kristjánsdóttir leikkona, sem ásamt sjö öðrum konum vinna að stofnun nýs félags, sem hefur fengið nafnið Rótin – félag um málefni kvenna með áfengis- og fíknivanda. Þarna vísar Ilmur í átök kvennanna við formann SÁÁ. Félagið, sem til stendur að stofna fyrir utan SÁÁ, hét áður kvenfélag SÁÁ. Í tilkynningu sem félagið sendi frá sér í gærkvöldi sagði að þær konur, sem standa að stofnun Rótarinnar, stofnuðu í september 2012 Kvenfélag SÁÁ. Svo sagði í tilkynningunni: „Þar sem því félagi var ekki lengur vært innan SÁÁ ákvað ráð þess að boða til slitafundar." Útskýringar sem gefnar eru í tilkynningunni eru samstarfserfiðleikar við formann samtakanna, Gunnar Smára Egilsson, og síendurteknar ásakanir um að Kvenfélagið hafi unnið gegn SÁÁ og starfað í andstöðu við fagfólk og veikt þannig starfsemi samtakanna eins og segir í tilkynningunni. Ilmur segir konurnar ekki hafa fengið neinar útskýringar á þessari andstöðu formannsins og segir deiluna meðal annars kristallast í tölvupóstsamskiptum. „Það er greinilega ekkert pláss fyrir okkur," segir Ilmur um stöðu félagsins innan SÁÁ, en konurnar hafa það að markmiði að stofna sérstakt meðferðarúrræði fyrir konur. „Meðferðir eru mjög karlamiðaðar," segir Ilmur og tekur sem dæmi hart umhverfi meðferðastöðva. Hún segir félagið leitast við að spyrja spurninga eins og hvort meðferðarúrræðin, eins og þau eru í dag, henti konum. Hún bendir á að það sé til sérstök kvennameðferð, en félagið vill ganga lengra. Ilmur tekur sem dæmi að ungar konur sem koma í afeitrun á Vogi lendi gríðarlega oft í ástarsamböndum þar inni sem reynast þeim skaðleg. Það sé til að mynda eitthvað sem þurfi að breyta. Kvenfélag SÁÁ var stofnað síðasta haust en í tilkynningunni segir að þó að starfstími Kvenfélags SÁÁ hafi ekki verið langur, starfaði félagið nógu lengi til að sannfæra upphafskonur þess um nauðsyn þess að halda úti félagi sem beitir sér í málefnum kvenna með áfengis- og vímuefnavanda. Svo segir: „Þar sem enginn áhugi virðist vera á að skoða málefni þessa hóps með opnum huga innan SÁÁ var ekki annar kostur í stöðunni en að stofna til nýs félags." Í undirbúningshópnum sitja: Árdís Þórðardóttir, Guðrún Ebba Ólafsdóttir, Guðrún Kristjánsdóttir, Gunnhildur Bragadóttir, Ilmur Kristjánsdóttir, Katrín Björk Eyjólfsdóttir, Kristín I. Pálsdóttir og Þórlaug Sveinsdóttir. Stofnfundurinn verður haldinn 8. mars á alþjóðlegum baráttudegi kvenna. Félagið hefur fengið nafnið Rótin – félag um málefni kvenna með áfengis- og fíknivanda. Fundurinn verður haldinn í Kvennaheimilinu að Hallveigarstöðum, Túngötu 14 í Reykjavík, kl. 17.30.Hér fyrir neðan má lesa tilkynningu félagsins í heild sinni:Hinn 8. mars á alþjóðlegum baráttudegi kvenna er boðað til stofnfundar nýs félags, sem hefur fengið nafnið Rótin – félag um málefni kvenna með áfengis- og fíknivanda.Fundurinn verður haldinn í Kvennaheimilinu að Hallveigarstöðum, Túngötu 14 í Reykjavík, kl. 17.30.Markmið hins nýja félags eru, samkvæmt tillögu undirbúningshóps:Markmið Rótarinnar eru að stofna til umræðu um konur, fíkn, áföll og ofbeldi og huga að sérstökum meðferðarúrræðum fyrir konur. Félagið vill að komið sé á samstarfi á milli stofnana, samtaka og annarra fagaðila sem fást við vímuefnameðferð, ofbeldi og úrvinnslu áfalla. Félagið vill beita sér fyrir öflun upplýsinga og úrvinnslu fyrirliggjandi gagna um þessi málefni konum til góða, og stuðla að rannsóknum á þessu sviði. Ennfremur að afla þekkingar, halda fyrirlestra, standa að ráðstefnum og námskeiðum, eitt eða í samstarfið við önnur félög, og efla umræður um fíknitengd málefni sem snerta konur sérstaklega.Þær konur sem standa að stofnun félagsins stofnuðu í september 2012 Kvenfélag SÁÁ, sem hafði sömu markmið. Þar sem því félagi var ekki lengur vært innan SÁÁ ákvað ráð þess að boða til slitafundar og verður sá fundur haldinn á sama stað kl. 17.00, föstudaginn 8. mars 2013.Ástæður fyrir slitum Kvenfélags SÁÁ eru einkum samstarfserfiðleikar við formann SÁÁ og síendurteknar ásakanir um að Kvenfélagið hafi unnið gegn SÁÁ og starfað í andstöðu við fagfólk og veikt þannig starfsemi samtakanna. Þessar ásakanir eru rakalausar og hefur ráð Kvenfélagsins engin svör fengið við beiðni um rökstuðning, þrátt fyrir að ítrekað hafi verið óskað eftir honum.Þó að starfstími Kvenfélag SÁÁ hafi ekki verið langur, starfaði félagið nógu lengi til að sannfæra okkur upphafskonur þess um nauðsyn þess að halda úti félagi sem beitir sér í málefnum kvenna með áfengis- og vímuefnavanda. Þar sem enginn áhugi virðist vera á að skoða málefni þessa hóps með opnum huga innan SÁÁ var ekki annar kostur í stöðunni en að stofna til nýs félags.Félagið er komið með síðu á Facebook (https://www.facebook.com/rotin.felag) og netfang okkar, í bili að minnsta kosti, er rotin.felag@gmail.com.Í undirbúningshópnum sitja: Árdís Þórðardóttir, Guðrún Ebba Ólafsdóttir, Guðrún Kristjánsdóttir, Gunnhildur Bragadóttir, Ilmur Kristjánsdóttir, Katrín Björk Eyjólfsdóttir, Kristín I. Pálsdóttir og Þórlaug Sveinsdóttir.
Mest lesið Verkefnið skapi níutíu störf og meðallaunin verði um 1,4 milljón á mánuði Innlent Grunaður um að hafa ráðið konu sinni bana Innlent Svona var Pallborðið með Höllu, Katrínu og Steinunni Ólínu Innlent Sjálfstæðisflokkurinn kvelji barnafólk með vettlingagjörningi Innlent Fluttur á sjúkrahús eftir að ekið var á Útlendingastofnun Innlent „Það er ástæða fyrir því að farið er í að rannsaka þetta andlát“ Innlent Biðst afsökunar á að hafa kallað skemmdarvarginn „fífl“ Innlent Halla Hrund fjórfaldar fylgi sitt á milli kannanna Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Segja valdarán framið og kirkju aðventista klofna Innlent Fleiri fréttir Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Réðst á barn sem gerði dyraat Grunaður um að hafa ráðið konu sinni bana Myndaði annan mann í sturtuklefanum Tíðni manndrápa í takt við fjölgun mannfjölda Sjá meira