Viðskipti innlent

Greiddi Deutsche Bank 35 milljarða

Þórður Snær Júlíusson skrifar
Þýski bankinn hefur víðtækar heimildir til að fara með málefni Peru ehf., komi til viðvarandi vanefnda á skuld félagsins við hann. Josef Ackermann var forstjóri Deutsche Bank fram til loka maí síðastliðins.
Þýski bankinn hefur víðtækar heimildir til að fara með málefni Peru ehf., komi til viðvarandi vanefnda á skuld félagsins við hann. Josef Ackermann var forstjóri Deutsche Bank fram til loka maí síðastliðins.

Pera ehf., dótturfélag Lýsingar, endurgreiddi þýska bankarisanum Deutsche Bank 35 milljarða króna af skuld sinni við hann um miðjan mars síðastliðinn. Engin ný lán voru tekin vegna greiðslunnar að sögn Magnúsar Scheving Thorsteinssonar, stjórnarformanns Lýsingar.

Lýsing og dótturfélög töpuðu samtals 4,3 milljörðum króna á árinu 2011. Árið áður hafði fyrirtækið tapað 24 milljörðum króna. Eigið fé þess var samt sem áður 8,6 milljarðar króna um síðustu áramót. Í áritun endurskoðenda samstæðunnar kemur fram að margháttuð óvissa sé um afdrif ýmissa dómsmála sem rekin eru til að komast að lögmæti ýmissa lánasamninga sem Lýsing hefur gert. Þar segir að niðurstaða þeirra geti „haft veruleg áhrif á mat eigna, eigið fé og rekstrarhæfi félagsins". Á meðal þeirra mála sem tiltekin eru í ársreikningnum er hið svokallaða „Smákranamál" sem snýst um lögmæti gengistryggingar fjármögnunarleigusamnings. Í ársreikningnum segir að gera megi ráð fyrir því að það þurfi að færa niður eigið fé Lýsingar um fimm til sex milljarða tapist málið. Hæstiréttur sýknaði hins vegar Lýsingu af kröfum Smákrana í lok maí síðastliðins. Um var að ræða stærsta einstaka óvissuþátt í efnahagsreikningi Lýsingar.

Pera, dótturfélag Lýsingar sem heldur utan um tugmilljarða lánafyrirgreiðslu frá Deutsche Bank, skuldaði 91,3 milljarða króna um síðustu áramót. Eigið fé félagsins var neikvætt um 21,9 milljarða króna en handbært fé þess var samt sem áður um 36 milljarðar króna. Það var notað til að greiða um 35 milljarða króna til Deutsche Bank þann 16. mars síðastliðinn. Magnús segir vissulega um hröðun á greiðslum að ræða. Greiðslan nú dragi hins vegar úr gjaldeyrisáhættu félagsins auk þess sem hún hafi jákvæð áhrif á eiginfjárhlutfall í samstæðureikningi Lýsingar.

Pera er veðsett Deutsche Bank til tryggingar á skuldbindingum Lýsingarsamstæðunnar við bankann. Í ársreikningi Peru segir auk þess að Deutsche Bank hafi „víðtækar heimildir til að fara með málefni Peru ehf. komi til viðvarandi vanefnda sem ekki verður úr bætt". Lýsingarsamstæðan er í eigu Klakka ehf., sem áður hét Exista.- þsj




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,8
6
20.349
MARL
1,32
4
79.593
HAGA
0,74
3
141.155
N1
0,41
5
190.896
EIK
0,26
3
34.958

Mesta lækkun dagsins


Félag
Br.%
Fjöldi
Velta*
GRND
-0,98
2
15.300
EIM
-0,73
4
23.410
SIMINN
0
4
20.348
SKEL
0
4
16.241
HEIMA
0
1
220
Velkomin á Vísi. Þessi vefur notar vafrakökur. Sjá nánar.