Innlent

Síld veður á land í Kolgrafafirði

Síldarflekkurinn nú síðdegis
Síldarflekkurinn nú síðdegis MYND/SKESSUHORN

Gríðarlegt magn af síld hefur synt á land og drepist í Kolgrafafirði á Snæfellsnesi í dag. Sjónarvottar segja að magn dauðrar síldar sé nú talið vera að minnsta kosti nokkur hundruð tonn.

Greint er frá þessu á vefsvæði Skessuhorns.

Skessuhorn hefur eftir ábúendum á Eiði við Kolgrafafjörð sem áætla að síldarflekkurinn nú síðdegis hafi verið um ferkílómetri að stærð.

Starfsmaður Hafró í Ólafsvík hefur í dag unnið að sýnatöku í firðinum.

Þá er haft eftir Runólfi Guðmundssyni hjá G.RUN að eitthvað óvenjulegt sé að gerast í firðinum. Þá telur hann ólíklegt að kenna megi súrefnisskorti um. G.RUN er sjávarútvegsfyrirtæki sem sérhæfir sig í veiðum og vinnslu á bolfiski.

Fleiri vísindamenn eru væntanlegir á svæðið í kvöld og á morgun. Þá verður hitastig og súrefni mælt auk sýni tekin af dauðri síld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira