Innlent

Neftóbaksdósin mun kosta allt að 1900 krónum

BBI skrifar
Mynd/GVA
Viðbúið er að verð á 50 gr. neftóbakdós muni hækka upp í 1700-1900 krónur ef fjárlagafrumvarp ríkisstjórnarinnar verður samþykkt óbreytt. Gert er ráð fyrir að skattlagning á neftóbak tvöfaldist.

Verð á neftóbaksdós er 834 kr. í heildsölu eins og er. Samkvæmt upplýsingum frá ÁTVR mun heildsöluverðið hækka upp í 1.357 kr. frá 1. janúar næstkomandi miðað við forsendur í fjárlagafrumvarpinu.

Í tóbaksversluninni Björk kostar ein dós núna 1150 kr. Arnþór Indriðason, starfsmaður í tóbaksversluninni Björk, telur að eftir hækkunina gæti dósin kostað 1700-1900 krónur.

„Það verður misjafnt eftir verslunum. Þegar svona hækkanir koma taka búðirnar oft hluta hækkunarinnar á sig sjálfar fyrst um sinn," segir hann.

Skattahækkunin hefur verið skýrð með því að áður hafi skattlagning á neftóbak verið minni en á annað tóbak og verið sé að leiðrétta þann mun. Arnþór getur sætt sig við þau rök. Því hefur einnig verið borið við að ungir menn noti neftóbak of mikið og það sé miður. Þau rök telur Arnþór ekki halda vatni.

„Þessi rök eru alveg hjákátleg," segir Arnþór. „Þeir eru að tala um að þetta sé svo mikið notað af ungum mönnum. Hvers lags rök eru það? Af hverju setjum við ekki skatt á hægðarlyf af því þau eru svo mikið notuð af gömlum mönnum?" spyr hann. Hann telur rökin fela í sér fordóma gagnvart ungum mönnum.


Tengdar fréttir

Skattlagning á neftóbak tvöfölduð

Í nýbirtu fjárlagafrumvarpi ríkisstjórnarinnar fyrir næsta ár er gert ráð fyrir að skattlagning á neftóbak verði tvöfölduð. Skattlagning á neftóbak hingað til er talin hafa verið óeðlilega lág samanborið við annað tóbak.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×