Viðskipti innlent

Sæstrengur: Orkumálaráðherra Breta væntanlegur til viðræðna

Frá Kárahnjúkum.
Frá Kárahnjúkum. Mynd/Vilhelm
Orkumálaráðherra Bretlands er á leið til Íslands í Maí til viðræðna um lagningu sæstrengs til Bretlands. Fjallað er um málið í breskum miðlum í dag og þar er haft eftir Charles Hendry orkumálaráðherra bresku ríkisstjórnarinnar að hafnar séu viðræður um að leggja sæstreng til Bretlands. Hendry segir að íslensk stjórnvöld séu mjög áhugasöm um málið.

Sæstrengurinn þyrfti að vera allt að eitt þúsund og fimmhundruð kílómetrar að lengd og gangi hugmyndin eftir yrði um lengsta raflínusæstreng heims að ræða. Hendry hefur þegar rætt málið við Hörð Arnarson forstjóra Landsvirkjunnar að því er fram kemur í breska blaðinu Guardian .

Bretar hafa uppi mikil áform um að tengjast raforkukerfinu í Evrópu en þegar hafa verið lagðir strengir til Frakklands og Hollands. Verið er að leggja þrjá til viðbótar, þrír eru á hugmyndastigi nú bætist við hugmyndin um streng til Íslands.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×