Innlent

Magnús Norðdahl í launalaust leyfi á meðan hann situr á þingi

Magnús Norðdahl er búinn að taka sæti á Alþingi.
Magnús Norðdahl er búinn að taka sæti á Alþingi.

Magnús Norðdahl, yfirlögfræðingur ASÍ, hefur tekið sæti á Alþingi í fjarveru Katrínar Júlíusdóttur, iðnaðarráðherra Samfylkingarinnar, sem fer nú í veikindaleyfi.

Samkvæmt upplýsingum frá Gylfa Arnbjörnssyni, formanni ASÍ, óskaði Magnús eftir launalausu leyfi í hálft ár síðasta haust, þegar það var ljóst að hann myndi taka þingsæti í fjarveru Katrínar.

Vigdís Hauksdóttir, þingmaður Framsóknarflokksins, gagnrýndi á sínum tíma harðlega að henni var sagt upp sem lögfræðingur hjá sambandinu, þegar hún tók að sér að leiða framboðslista flokksins, fyrir síðustu alþingiskosningar.

Gylfi sagði þá að ASÍ liti svo á að Vigdís hefði skipt um starfsvettvang þegar hún ákvað að leiða framboðslista Framsóknarflokksins.

„Annars kemur ekki á óvart að Vigdís tjái sig um þetta með sínum söguskýringum á starfslokum sínum. Ég hef ekkert við þetta að bæta," sagði Gylfi um gagnrýni Vigdísar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.