Stöð 2

Steini í Hippakoti í Sjálfstæðu fólki

Jón Ársæll segir Þorstein Kjartansson einn af hinum skemmtilegu og kynlegu kvistum í mannlífstrénu.
Jón Ársæll segir Þorstein Kjartansson einn af hinum skemmtilegu og kynlegu kvistum í mannlífstrénu.

Jón Ársæll heldur áfram mannlífsrannsóknum sínum, tekur hús á áhugaverðu fólki og kynnist því eins og honum einum er lagið í tíundu þáttatöð Sjálfstæðs fólks á Stöð 2.

Næsti viðmælandi Jóns Ársæls er maður sem hnýtir bagga sína ekki sömu hnútum og samferðamennirnir.

„Steini í Hippakoti, Þorsteinn Kjartansson, er einn af þessum skemmtilegu og kynlegu kvistum í mannlífstrénu og saman bralla þeir félagarnir eitt og annað skemmtilegt. Bregða sér meðal annars í bæjarferð á Hvammstanga á traktornum hans Steina, fara í kaupfélagið, fá sér neðan í því, glíma og kíkja á sel.

Reyndar eru dráttarvélar eitt mesta yndi og eitt helsta áhugamál Steina í Hippakoti í Línakradal og traktorinn hans með þeim elstu í landinu," segir í tilkynningu.

Jón Ársæll og Steini.

Einn með öllu á Stöð 2 klukkan 19.40 á sunnudagskvöldið í Sjálfstæðu fólki, strax eftir mjaltir.