Innlent

Elti Hrafnhildi til Noregs þrátt fyrir þungan fangelsisdóm

Bjarki Már Magnússon. Hæstiréttur staðfesti í vikunni átta ára fangelsisdóm yfir Bjarka. Í dómsorði segir að gjörðir hans eigi sér engar hliðstæður í íslenskri réttarsögu.
Bjarki Már Magnússon. Hæstiréttur staðfesti í vikunni átta ára fangelsisdóm yfir Bjarka. Í dómsorði segir að gjörðir hans eigi sér engar hliðstæður í íslenskri réttarsögu.
Eftir að Bjarki Már Magnússon, sem beitti sambýliskonu sína hrottalegu ofbeldi um nokkurra ára skeið, áfrýjaði þungum fangelsisdómi til Hæstaréttar elti hana konuna til Noregs og áreitti hana. Allan tímann sem Bjarki dvaldi í landinu vaktaði norska lögreglan heimili konunnar sem heitir Hrafnhildur Stefánsdóttir. Rætt er við hana í DV í dag.

Hæstiréttur Íslands staðfesti í fyrradag átta ára fangelsisdóm yfir Bjarka. Hann neyddi Hrafnhildi meðal annars til samræðis og annarra kynferðismaka með ellefu öðrum mönnum ásamt því sem hann tók myndir og myndbönd af ofbeldinu. Bjarka er gert að greiða henni þrjár milljónir króna. Í dómsorði héraðsdóms segir að gjörðir Bjarka eigi sér engar hliðstæður í íslenskri réttarsögu.

Dómur héraðsdóms Reykjavíkur féll í fyrrasumar en þar sem Bjarki áfrýjaði dómnum til Hæstaréttar hefur hann gengið laus og ekki verið í farbanni. Fyrir vikið var honum frjálst að ferðast til Noregs á dögunum þar sem hann setti sig strax í samband við Hrafnhildi, að því er fram kemur í DV. Eftir símtalið tilkynnti hún veru hans í landinu til lögreglu sem kom þegar á vakt við húsið hennar. Að sögn Hrafnhildar kom það þó ekki í veg fyrir ítrekaðar símhringingar að næturlagi sem ollu miklum ótta hjá henni.

Gat hvorki borðað né sofið

„Að fá hann hingað út var alveg ólýsanlegt, ég sat bara frosin við eldhúsborðið með hnefana kreppta. Þar sat ég á vakt með því að horfa út um gluggann. Hann gerði tilraun til að heimsækja mig og var bara hér í næsta garði, ég sturlaðist náttúrulega og gat hvorki sofið né borðað allan þennan tíma sem hann var," segir Hrafnhildur í viðtalinu.

Bjarki gengur enn laus. Páll Winkel, forstjóri Fangelsismálastofnunar, sagði í samtali við Fréttablaðið í gær að Bjarki fari rakleiðis í afplánun þegar pláss losnar.

„Málinu er ekki lokið fyrir mér fyrr en Bjarki fer loksins inn í fangelsi og í raun ekki algerlega fyrr en ég er búin að fá aðstoð við að vinna mig frá þessum hörmungum. Þegar hann fer inn finnst mér loks að ég geti farið að byggja upp mitt líf sem hefur ekki verið dans á rósum frá því ég hitti hann fyrst 2004," segir Hrafnhildur.


Tengdar fréttir

Fórnarlamb ofbeldisfulla sambýlismannsins stígur fram

Kona sem varð fyrir heimilisofbeldi af hálfu Bjarka Más Magnússonar, stígur fram í viðtali við DV í dag. Bjarki var fyrr í sumar dæmdur í átta ára fangelsi fyrir ítrekaðar árásir og fimmtán kynferðisbrot gegn konunni.

Ofbeldisfulli sambýlismaðurinn áfrýjar til Hæstaréttar

Karlmaðurinn sem var í dag dæmdur í átta ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni mun að öllum líkindum áfrýja dóminum til Hæstaréttar, að sögn Hilmars Ingimundarsonar lögmanns mannsins. Hann reiknar með að aðalkrafan verði að upphaflegu ákærunni verði vísað frá vegna vanhæfis ríkissaksóknara og sett saksóknara sem gaf út ákæruna í málinu.

Ríkissaksóknari var ekki vanhæfur í máli ofbeldisfulla sambýlismannsins

Ríkissaksóknari var ekki vanhæfur til að gefa út ákæru á hendur manninum sem í vikunni fékk þungan dóm fyrir að beita sambýliskonu sína grófu ofbeldi, að mati héraðsdóms. Dómnum verður að öllum líkindum áfrýjað til Hæstaréttar vegna of náinna tengsla á milli þeirra sem rannsökuðu málið og ákæruvaldsins.

Neyddi sambýliskonu sína til kynmaka með öðrum mönnum

Karlmaður var í dag dæmdur í 8 ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni. Meðal annars neyddi maðurinn konuna til samræðis og annarra kynferðismaka við 11 aðra karlmenn. Maðurinn var jafnframt dæmdur fyrir að hafa ráðist á föður sinn og hótað honum lífláti. Manninum er gert að greiða konunni 3,8 milljónir króna í miskabætur.

Hæstiréttur hefur ítrekað fjallað um mál ofbeldisfulla sambýlismannsins

Mál tengd manninum sem var dæmdur í átta ára fangelsi á þriðjudaginn hefur fjórum sinnum komið inn á borð Hæstaréttar eftir að sambýliskona mannsins kærði hann fyrir gróft ofbeldi í janúar 2008. Þrívegis klofnaði Hæstiréttur þegar rétturinn úrskurðaði tvisvar um nálgunarbann og hvort að barnsmóðir mannsins fengi að vitna í málinu fyrir Héraðsdómi Reykjavíkur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×