Innlent

Eins og á allt annarri plánetu

Þessi mynd er tekin í Meðallandi sem er í um 40 km fjarlægð frá Kirkjubæjarklaustri.
Þessi mynd er tekin í Meðallandi sem er í um 40 km fjarlægð frá Kirkjubæjarklaustri.

„Það var eins og maður væri kominn á aðra plánetu," segir Reynir Ragnarsson í Vík, sem var á ferð um Mýrdal í gærmorgun með jarðvísindamönnum að taka sýni úr gosöskunni.

„Ég hef aldrei áður upplifað svona svartnættis­myrkur á sólskinsdegi." Reynir segir að utan við mökkinn hafi dagsbirtan verið sérkennileg og óraunveruleg. „Árnar virtust svartar," segir Reynir.

Hann er fyrrverandi lögregluvarðstjóri og vegavinnuverkstjóri í Vík og hefur jafnan verið að störfum við hlaup og hamfarir í Skaftafellssýslum síðustu áratugi. Fáir eru því vanari akstri í sandstormum og stórviðrum á þessu svæði.

„Þetta er ólíkt öllu sem ég hef áður séð," segir Reynir Ragnarsson. - pg

Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið