Innlent

Bjarki Már: Ég er ekki skrímsli

„Þessar ásakanir eru gjörsamlega út í hött og mér finnst dómurinn hafa farið frjálslega með sönnunarfærslu,“ segir Bjarki um átta ára fangelsisdóm sem Hæstiréttur staðfesti nýverið.
„Þessar ásakanir eru gjörsamlega út í hött og mér finnst dómurinn hafa farið frjálslega með sönnunarfærslu,“ segir Bjarki um átta ára fangelsisdóm sem Hæstiréttur staðfesti nýverið. Mynd/Pjetur

„Ég er ekki kynferðisbrotamaður og ég er ekki þetta skrímsli sem verið er að lýsa," segir Bjarki Már Magnússon í samtali við DV í dag. Hæstiréttur Íslands staðfesti í síðustu viku átta ára fangelsisdóm yfir honum. Bjarki neyddi þáverandi sambýliskonu sína, Hrafnhildi Stefánsdóttur, meðal annars til samræðis og annarra kynferðismaka með ellefu öðrum mönnum ásamt því sem hann tók myndir og myndbönd af ofbeldinu. Bjarka er gert að greiða henni þrjár milljónir króna. Í dómsorði segir að gjörðir hans eigi sér engar hliðstæður í íslenskri réttarsögu.

„Þessi dómur eru svakalegir hnekkir fyrir mig. Stimpill sem kynferðisbrotamaður er svakalegur enda að ósekju," segir Bjarki. Hann íhugar að fara með málið fyrir mannréttindadómstól Evrópu.

„Mér var mjög brugðið við þessa niðurstöðu og það er áfall hversu þungur dómurinn er. Þessar ásakanir eru gjörsamlega út í hött og mér finnst dómurinn hafa farið frjálslega með sönnunarfærslu."

Segist vera í góðu sambandi við Hrafnhildi

Dómur héraðsdóms Reykjavíkur féll í fyrrasumar en þar sem Bjarki áfrýjaði dómnum til Hæstaréttar hefur hann gengið laus og ekki verið í farbanni. Fyrir vikið var honum frjálst að ferðast til Noregs á dögunum þar sem hann setti sig strax í samband við Hrafnhildi, að því er fram kemur í DV. Eftir símtalið tilkynnti hún veru hans í landinu til lögreglu sem kom þegar á vakt við húsið hennar. Að sögn Hrafnhildar kom það þó ekki í veg fyrir ítrekaðar símhringingar að næturlagi sem ollu miklum ótta hjá henni.

Um þetta segir Bjarki: „Hrafnhildur býr í íbúð sem við eigum og því fór ég út til Noregs. Það er ekki rétt að ég sé einhver voðalegur „stalker" og við höfum verið í alveg ágætu sambandi."

Þá segist Bjarki aldrei hafa borið annað en góðan hug til Hrafnhildar. „Ég ítreka að fyrir mér er það sjokk að hún segist núna óttast mig með einhverjum hætti. Það er engin ástæða til, ég hef aldrei borið annað en góðan hug til Hrafnhildar. Það er alltaf eitthvað sem öðruvísi hefði mátt fara, hugsanlega hef ég lagt á hana of miklar byrðar varðandi fjármál og annað."

Gengur laus

Bjarki gengur enn laus. Páll Winkel fangelsismálastjóri staðfestir að Bjarki hafi verið boðaður til afplánunar og að hann hafi nú þriggja vikna frest til að gefa sig fram.

Í samtali við DV segist Bjarki ekki óttast afdrif sín þegar í fangelsið verður komið. Tilhugsunin um að vera á leið í fangelsi sé þó mjög sérstök. „Ég óttast ekki um líf mitt og limi þegar inn verður komið enda er ég ekki þessi maður."


Tengdar fréttir

Elti Hrafnhildi til Noregs þrátt fyrir þungan fangelsisdóm

Eftir að Bjarki Már Magnússon, sem beitti sambýliskonu sína hrottalegu ofbeldi um nokkurra ára skeið, áfrýjaði þungum fangelsisdómi til Hæstaréttar elti hana konuna til Noregs og áreitti hana. Allan tímann sem Bjarki dvaldi í landinu vaktaði norska lögreglan heimili konunnar sem heitir Hrafnhildur Stefánsdóttir. Rætt er við hana í DV í dag.

Fórnarlamb ofbeldisfulla sambýlismannsins stígur fram

Kona sem varð fyrir heimilisofbeldi af hálfu Bjarka Más Magnússonar, stígur fram í viðtali við DV í dag. Bjarki var fyrr í sumar dæmdur í átta ára fangelsi fyrir ítrekaðar árásir og fimmtán kynferðisbrot gegn konunni.

Ríkissaksóknari var ekki vanhæfur í máli ofbeldisfulla sambýlismannsins

Ríkissaksóknari var ekki vanhæfur til að gefa út ákæru á hendur manninum sem í vikunni fékk þungan dóm fyrir að beita sambýliskonu sína grófu ofbeldi, að mati héraðsdóms. Dómnum verður að öllum líkindum áfrýjað til Hæstaréttar vegna of náinna tengsla á milli þeirra sem rannsökuðu málið og ákæruvaldsins.

Hæstiréttur hefur ítrekað fjallað um mál ofbeldisfulla sambýlismannsins

Mál tengd manninum sem var dæmdur í átta ára fangelsi á þriðjudaginn hefur fjórum sinnum komið inn á borð Hæstaréttar eftir að sambýliskona mannsins kærði hann fyrir gróft ofbeldi í janúar 2008. Þrívegis klofnaði Hæstiréttur þegar rétturinn úrskurðaði tvisvar um nálgunarbann og hvort að barnsmóðir mannsins fengi að vitna í málinu fyrir Héraðsdómi Reykjavíkur.

Barnsmóðir ofbeldismannsins vildi vitna um kynóra hans

Barnsmóðir og fyrrum sambýliskona mannsins sem í gær var dæmdur í átta ára fangelsi fyrir gróft líkamlegt ofbeldi vildi vitna um kynóra mannsins en fékk ekki. Þau bjuggu saman á árunum 1991 til 1998 og eignuðust saman dóttur.

Tveir af ellefu karlmönnum höfðu stöðu sakborninga

Tveir af þeim 11 karlmönnum sem tóku þátt í kynlífsathöfnum með parinu sem kemur við sögu í kynferðisbrotamálinu sem dæmt var í í Héraðsdómi í gær höfðu stöðu sakborninga á rannsóknarstigi málsins hjá lögreglu, samkvæmt upplýsingum frá Huldu Elsu Björgvinsdóttur settum saksóknara.

Ofbeldisfulli sambýlismaðurinn áfrýjar til Hæstaréttar

Karlmaðurinn sem var í dag dæmdur í átta ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni mun að öllum líkindum áfrýja dóminum til Hæstaréttar, að sögn Hilmars Ingimundarsonar lögmanns mannsins. Hann reiknar með að aðalkrafan verði að upphaflegu ákærunni verði vísað frá vegna vanhæfis ríkissaksóknara og sett saksóknara sem gaf út ákæruna í málinu.

Neyddi sambýliskonu sína til kynmaka með öðrum mönnum

Karlmaður var í dag dæmdur í 8 ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni. Meðal annars neyddi maðurinn konuna til samræðis og annarra kynferðismaka við 11 aðra karlmenn. Maðurinn var jafnframt dæmdur fyrir að hafa ráðist á föður sinn og hótað honum lífláti. Manninum er gert að greiða konunni 3,8 milljónir króna í miskabætur.

Fær ekki að vitna í grófu ofbeldismáli

Hæstiréttur meinaði fyrr í mánuðinum barnsmóður og fyrrum sambýliskonu meints ofbeldismanns að vitna í máli gegn honum. Maðurinn er talinn hafa beitt aðra konu sem hann bjó með grófu líkamlegu og kynferðislegu ofbeldi á fjögurra ára tímabili.




Fleiri fréttir

Sjá meira