Innlent

Guðlaugur fyrir fjórum árum: Hóflegur kostnaður

Guðlaugur og Björn sóttust báðir eftir öðru sæti í prófkjörinu. Guðlaugur sigraði og var fyrir vikið leiðtogi flokksins Reykjavíkurkjördæmi norður. Geir H. Haarde, þáverandi forsætisráðherra og formaður Sjálfstæðisflokksins, leiddi framboðslista flokksins í Reykjavíkurkjördæmi suður.
Guðlaugur og Björn sóttust báðir eftir öðru sæti í prófkjörinu. Guðlaugur sigraði og var fyrir vikið leiðtogi flokksins Reykjavíkurkjördæmi norður. Geir H. Haarde, þáverandi forsætisráðherra og formaður Sjálfstæðisflokksins, leiddi framboðslista flokksins í Reykjavíkurkjördæmi suður. Mynd/Valgarður Gíslason

Kostnaðurinn við prófkjör Guðlaugs Þórs Þórðarsonar fyrir fjórum árum var hóflegur, sagði hann sjálfur daginn eftir prófkjörið. Hann birti í gær yfirlit yfir styrki sem hann þáði vegna prófkjörsins.

Fyrir fjórum árum tókust á tveir turnar í Sjálfstæðisflokknum, Björn Bjarnason og Guðlaugur Þór Þórðarson, um annað sæti á lista flokksins fyrir alþingiskosningar í Reykjavík. Guðlaugur hafði betur en kostnaður við þetta prófkjör og styrkirnir sem Guðlaugur og aðrir stjórnmálamenn þáðu á þessum tíma er skoðaður með öðrum augum nú en þá.

Daginn eftir sigurinn í prófkjörinu mætti Guðlaugur í settið hjá Agli Helgasyni á Stöð 2 og var spurður út í kostnaðinn við prófkjörið. „Ég hef hreinlega ekki mikið verið að hugsa um að taka slíkt saman."

„Fjórum dagar fyrir kjördag birti ég ekki eina einustu heilsíðu þannig að þetta var allt saman mjög hóflegt. Ég verð að viðurkenna að þetta er eitt af mörgu sem ég hef ekki verið að hugsa um akkúrat núna þessa dagana," sagði Guðlaugur.

Nú hefur verið upplýst að þessi hóflega kosningabarátta kostaði 25 milljónir króna. En það var ekki Guðlaugur sjálfur sem greiddi þann kostnað úr eigin vasa heldur hinir ýmsu einstaklingar og fyrirtæki út í bæ. Hæstu styrkirnir komu frá Baugi, FL Group og Fons.

Egill spurði Guðlaug í sama þætti hvort sögur þess efnis að Baugur hefði borgað kosningabaráttuna ættu við rök að styðjast. „Sögurnar sem fara á stað eru mjög fyrirsjáanlegar," svaraði Guðlaugur.

Guðlaugur sagðist í samtali við fréttastofu í dag hafa lagt öll spili á borðið. Hann ætlar ekki að segja af sér þingmennsku.

Þegar listi yfir stjórnmálamenn sem þáðu styrki sem voru milljón eða meira eru eingöngu fjórir sem eru enn í borgarstjórn eða inn á þingi.


Tengdar fréttir

Guðlaugur fékk hæstu styrkina frá FL group, Fons og Baugi

Guðlaugur Þór Þórðarson, þingmaður sjálfstæðisflokksins, hefur birt lista yfir hluta þeirra fyrirtækja sem styrktu hann í prófkjöri sjálfstæðisflokksins í Reykjavík árið 2006. Styrkir til hans námu 24,8 milljónum króna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.