Innlent

Edda Heiðrún maður ársins hjá Reykjavík síðdegis á Bylgjunni

Edda Heiðrún Backman.
Edda Heiðrún Backman. MYND/Anton

Edda Heiðrún Backman leikkona er maður ársins í þættinum Reykjavík síðdegis á Bylgjunni. Tilkynnt var um þetta fyrir stundu og sigraði Edda með yfirburðum. Kjörinu var skipt í tvennt en fyrst gat fólk farið inn á Vísi og kosið hvern sem er.

Í gær var síðan kosið á milli þeirra tíu sem flest atkvæði fengu. Útvarpsmennirnir Kristófer Helgason, Þorgeir Ástvaldsson og Bragi Guðmundsson slógu á þráðinn til Eddu og fluttu henni tíðindin. Edda Heiðrún sagðist þakka innilega fyrir nafnbótina og að hún líti á kjörið sem hvatningu til þess að halda áfram því starfi sem hún hóf á árinu.

Átakið Á rás með Grensás var skipulagt af Eddu Heiðrúnu en þá sameinuðust landsmenn um að safna peningum fyrir endurhæfingardeildina á Grensási. „Við erum í raun búin að taka fyrsta skrefið af tíu," segir Edda um átakið sem er rétt að byrja að hennar sögn.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×