Beðið eftir fyrirmælum frá yfirvöldum umhverfismála

16. júní 2008 15:14

Lögreglan á Sauðarárkróki bíður nú fyrirmæla frá yfirvöldum umhverfismála um það hvað gera skuli við björninn sem uppgötvaðist við bæinn Hraun á Skaga um hádegisbil.

Að sögn Stefáns Vagns Stefánssonar yfirlögregluþjóns er björninn nú nokkur hundruð metra frá bænum, í æðarvarpinu. Hann mun aðeins hafa verið á vappi áðan en er nú rólegur.

Lögregla hefur lokað af svæðið en að sögn Stefáns eru aðstæður að nokkru leyti öruggari en þegar ísbjörn uppgötvaðist á Þverárfjalli milli Blönduóss og Sauðárkróks fyrir skemmstu. Til að mynda er engin þoka á Skaga og Stefán segir enga bráða hættu á ferð.

Tengdar fréttir

Ísbjörninn í miðju æðarvarpinu

Ísbjörninn sem gekk á land á Skagatá í Skagafirði er rólegur að sögn sjónarvotta og situr eins og er í æðarvarpinu við Hraun.

16. júní 2008 14:45

Annar ísbjörn á Skaga - hélt að ísbjörninn væri áburðarpoki

Annar ísbjörn hefur gengið á land, í þetta sinn við Hraun á Skagatá. Lögregla hefur lokað svæðinu en ekki er vitað hvað hún mun til bragðs taka.

16. júní 2008 13:54

Flókið að fanga ísbjörninn

Sigurður Jónsson sérfræðingur hjá Umhverfisstofnun segir að stofnunin sé að afla sér upplýsinga um ísbjörninn sem gekk á land á Skagatá. Umhverfsstofnun vinnur með yfirvöldum fyrir norðan að málinu.

16. júní 2008 14:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.