Innlent

Stöðvuðu umferð í skamman tíma á Miklubraut

Sendibílstjórar lokuðu fyrir stundu gatnamótum Kringlumýrarbrautar og Miklubrautar í annað sinn á innan við viku.

Nokkrir ökumenn á stórum sendibílum stöðvuðu umferð og sögðust vera að halda áfram með aðgerðir sem miða meðal annars að því að fá stjórnvöld til þess að lækka álögur á eldsneyti. Á sama tíma stendur yfir mótmælafundur á Austurvelli þar sem háum álögum á eldsneyti er mótmælt.

Umferðin hafði verið stopp í um tíu mínútur þegar lögregla kom á vettvang og þá hættu sendibílstjórarnir aðgerðum sínum og óku á brott. Umferð gengur því á eðlilegan hátt nú.

Atvinnubílstjórar hafa nú staðið fyrir mótmælum með því að stöðva umferð fjóra virka daga í röð. Þetta er í annað sinn sem umferð er stöðvuð á þessum stærstu gatnamótum landsins. Segjast þeir ekki munu hætta fyrr en stjórnvöld verði við kröfum þeirra.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×