Viðskipti erlent

Gullverð komið í methæðir

Gullverð hefur aldrei verið jafn dýrt og nú um stundir.
Gullverð hefur aldrei verið jafn dýrt og nú um stundir.

Verð á gulli fór í rétt rúma 900 dali á únsu til skamms tíma á hlutabréfamarkaði í Bandaríkjunum í gær. Þetta er hæsta verð sem nokkru sinni hefur sést á eðalmálminum sem hefur hækkað mjög í verði upp á síðkastið, hraðar en reiknað hefur verið með. Óróleiki á fjármálamörkuðum hefur valdið því að fjárfestar hafa leitað í hefðbundnar, sem margir hverjir kalla gamaldags, en gulltryggðar fjárfestingar á borð við olíu, steinsteypu og gull.

Verðið lækkaði lítillega eftir því sem á leið en stendur enn fast við 900 dalina.

Gullverðið hefur farið í hæstu hæðir næstum hvern dag það sem af er árs og stóð í 897,3 dölum á úsnu á fimmtudag, að sögn Associated Press-fréttastofunnar sem hefur eftir markaðsaðilum að gull og aðrir málmar hafi í gegnum tíðina reynst fjárfestum gott skjól á óvissutímum líkt og nú um stundir á hlutabréfamörkuðum. Þá hækkaði verðið um 32 prósent á síðasta ári sem er talsvert umfram aðra fjárfestingu eftir að lausafjárþurrðin fór að bíta á fjármálamörkuðum víða um heim í sumar.

Associated Press tekur reyndar fram að ef tekið sé tillit til verðbólgu er verðið nú fjarri því að vera í methæðum. Únsa af gulli fór í 875 dali á því ágæta ári 1980. Sé hins vegar tekið tillit til verðbólgu myndi sama únsa standa í um 2.115 til 2.220 dölum í dag.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,81
45
579.947
HAGA
1,26
17
196.221
GRND
0,99
9
132.365
EIM
0,78
12
143.123
SIMINN
0,7
10
227.493

Mesta lækkun dagsins


Félag
Br.%
Fjöldi
Velta*
N1
-1,2
4
96.398
SKEL
-1,07
4
109.235
MARL
-0,85
24
635.463
REITIR
-0,44
6
11.612
REGINN
-0,19
8
118.204