Viðskipti erlent

Bretar fá Icesave greitt út fyrir áramót

Mikill meirihluti þeirra sem áttu innistæður á Icesavereikningum Landsbankans í Bretlandi hafa fengið peningana sína aftur. 630 milljarðar íslenskra króna hafa þegar verið greiddir til innistæðueigenda.

Það er sérstök innistæðurtrygginarnenfd sem hefur séð um málefni Icesave innistæðueigenda í bretlandi síðan landsbankinn fór á hausinn og í ljós kom að bankinn gat ekki staðið við skuldbindingar sínar gagnvart viðskiptavinum sínum.

Icesave innistæðueigendur í bretlandi voru 214.713 í byrjun október en þar af hafa rúmlega 199 þúsund þeirra fengið innistæður sínar greiddar. Unnið er að því að leysa úr málum þeirra sem eftir standa en vonast er til þeirra vinnu verði lokið fyrir 30. desember.

Þegar hafa um 3520 milljónir punda verið greiddar til innistæðueigenda eða um 630 milljarðar íslenskra króna. Þeir sem hafa fengið innisritæður sínar greiddar fengu vexti greidda af höfuðstóli sínum til 7. október.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×