Innlent

Ferðasjúkur barþjónn fékk fjögurra mánaða fangelsi

Konstantin Deniss Fokin sveifst einskis til að komast til Norðurlandanna.
Konstantin Deniss Fokin sveifst einskis til að komast til Norðurlandanna. MYND/GVA

Konstantin Deniss Fokin, 26 ára gamall eistneskur barþjónn, sem búsettur er í Bretlandi, var í dag dæmdur í fjögurra mánaða óskilorðsbundið fangelsi í Héraðsdómi Reykjaness. Dóminn fær hann fyrir að hafa bókað níu miða til Íslands og þaðan áfram til Norðurlandanna á netinu með stolnum greiðslukortanúmerum. Fokin var handtekinn á Keflavíkurflugvelli í síðustu viku og hefur verið í gæsluvarðhaldi síðan. Hann játaði brot sín bæði við yfirheyrslu og í dómi.

Fokin komst yfir greiðslukortanúmerin við störf á barnum í London. Hann pantaði sér alls níu flugferðir til Kaupmannahafnar, Stokkhólms og Osló með viðkomu á Íslandi.

Auk þess þarf barþjóninn Fokin að greiða Icelandair skaðabætur að upphæð 1,3 milljónir.

Undanfarna viku hefur lögreglan á Suðurnesjum varist allra frétta af málinu vegna rannsóknarhagsmuna en Fokin mun hafa komið við sögu áður í fjársvikamálum í Englandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×