Viðskipti erlent

Euronext samþykkir samruna við NYSE

Euronext.
Euronext. MYND/AP

Hluthafar evrópsku kauphallarinnar Euronext, sem rekur kauphallir í Amsterdan, París, í Brussel og Lissabon, hafa samþykkt samruna við kauphöllina í New York, NYSE, en með honum verður til fyrsta kauphöllin sem tengir markaði í Evrópu og Bandaríkjunum og auðveldar fyrir vikið fjárfestingar yfir Atlantshafið.

Greiningardeild Landsbankans segir að gert sé ráð fyrir að samrunanum ljúki eftir um þrjá mánuði en hann er háður samþykki eftirlitsstofnana í báðum álfum. Þá eiga hluthafar NYSE eftir að samþykkja hann.

Greiningardeildins hefur eftir bandaríska dagblaðinu The Wall Street Journal að eftirlitsstofnanir hafi þegar gefið til kynna að þær muni samþykkja samrunann og samþykki hluthafa NYSE ætti að vera auðsótt. Sameiginlegt félag mun bera heiti beggja kauphalla og verða NYSE Euronext.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×