MÁNUDAGUR 27. MARS NÝJAST 11:00

Thierry Henry útlokar ekki ađ hann taki viđ af Wenger

SPORT

Fyrstu mörkin og fyrsti sigurinn hjá Stjörnumönnum í Lengjubikarnum

 
Íslenski boltinn
21:56 28. FEBRÚAR 2017
Hilmar Árni Halldórsson skorađi eitt mark og lagđi upp annađ.
Hilmar Árni Halldórsson skorađi eitt mark og lagđi upp annađ. VÍSIR/EYŢÓR

Stjarnan vann 3-1 sigur á Þrótti í fjórða riðli A-deildar Lengjubikars karla í fótbolta en leikurinn fór fram í Kórnum í kvöld.

Hilmar Árni Halldórsson, Baldur Sigurðsson og varamaðurinn Kristófer Konráðsson skoruðu mörk Stjörnuliðsins en mark Þróttara var sjálfsmark.

Stjarnan hafði mikla yfirburði stærsta hluta leiksins og Stjörnuliðið var komið tveimur mörkum yfir eftir aðeins tuttugu mínútna leik.

Þetta var fyrsti sigurinn og fyrstu mörkin hjá Stjörnumönnum í Lengjubikarnum í ár en liðið gerði markalaust jafntefli í fyrsta leik á móti Breiðabliki. Þróttar unnu 3-2 sigur á Fram í fyrsta leik en náðu ekki að fylgja þeim sigri eftir á móti sterku Stjörnuliði í kvöld.

Hilmar Árni Halldórsson kom Stjörnunni í 1-0 á 11. mínútu með skoti úr teignum eftir stoðsendingu frá Jósefi Kristni Jósefssyni en Baldur Sigurðsson átti einnig þátt í undirbúningnum.

Baldur Sigurðsson skoraði síðan annað markið aðeins átta mínútum síðar með skalla úr markteignum eftir aukaspyrnu frá Hilmari Árna Halldórssyni.

Þannig var staðan í hálfleik og þangað til á 77. mínútu þegar hinn nítján ára gamli Kristófer Konráðsson skoraði þriðja markið með góðu skoti úr teignum eftir stoðsendingu frá Guðjóni Baldvinssyni.

Þróttarar minnkuðu muninn þegar Daníel Laxdal skallaði boltann í eigið mark eftir aukaspyrnu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Íslenski boltinn / Fyrstu mörkin og fyrsti sigurinn hjá Stjörnumönnum í Lengjubikarnum
Fara efst