Erlent

Fyrrum samherji Cruz segir hann vera „Lúsifer holdi klæddan“

Tryggvi Páll Tryggvason skrifar
John Boehner tók við stöðu þingforseta fulltrúadeildarinnar árið 2011 en sagði af sér 2015.
John Boehner tók við stöðu þingforseta fulltrúadeildarinnar árið 2011 en sagði af sér 2015. Vísir/AFP
John Boehner, fyrrum forseti fulltrúardeildar Bandaríkjaþings, segir að Ted Cruz, einn af forsetaframbjóðendum Repúblikana, sé „Lúsifer holdi klæddur.“

Boehner, sem gegndi embætti forseta fulltrúardeildarinnar frá 2011 til 2015, var einn valdamesti Repúblikaninn á sínum tíma en hefur lítið skipt sér af stjórnmálum frá því að hann lét af embætti. Honum er afar illa við Cruz og má rekja það til þegar Cruz leiddi hóp harðlínumanna í deilu á milli þings og forseta árið 2013 sem varð til þess að opinber stjórnsýsla lamaðist um hríð.

Segist Boehner ekki ætla að kjósa Cruz og að honum líki mun betur við Donald Trump sem líklegastur er til þess að hljóta útnefningu Repúblikana-flokksins. Segir Boehner að þeir Trump séu í reglulegu sambandi í gegnum smáskilaboð og að þeir hafi spilað golf saman um árabil.


Tengdar fréttir

Mikilvæg nótt fyrir Trump og Clinton

Báðir frambjóðendurnir gera ráð fyrir því að hljóta útnefningu flokka sinna og eru farnir að skjóta föstum skotum að hvorum öðrum.




Fleiri fréttir

Sjá meira


×