Körfubolti

Fyrirliðinn í liði vikunnar

Tómas Þór Þórðarson skrifar
Hlynur Bæringsson átti stórleik í gær.
Hlynur Bæringsson átti stórleik í gær. vísir/anton
Hlynur Bæringsson, fyrirliði karlalandsliðsins í körfubolta, var valinn í vikunnar af FIBA Europe fyrir frábæra frammistöðu sína gegn Kýpur í Laugardalshöll.

Strákarnir okkar unnu stórsigur, 84-62, og héldu sér í baráttunni um annað sætið í sínum riðli og þar af leiðandi er liðið enn í séns að komast á Evrópumótið á næsta ári.

Hlynur skoraði flest stig allra á vellinum eða 18 og tók níu fráköst. Hann nýtti sjö af níu skotum sínum; fimm af sex úr teignum og tvö af þremur fyrir utan þriggja stiga línuna. Þá gaf hann fjórar stoðsendingar.

Síðasti leikur Íslands verður gegn Belgíu á laugardaginn en þá kemur í ljós hvort strákarnir okkar komist á EM að ári liðnu.


Tengdar fréttir




Fleiri fréttir

Sjá meira


×