MÁNUDAGUR 30. MAÍ NÝJAST 23:30

Hamilton fagnađi međ Justin Bieber | Sjáđu ţáttinn

SPORT

Frosti segir óvíst hvort fjármálaráđherra eigi nokkuđ erindi til Kína

 
Innlent
12:56 16. JANÚAR 2016

Ríkisstjórnin óskaði þess á síðasta ári að gerast stofnaðili að nýjum fjárfestingabanka fyrir Asíu, sem fjöldi ríkja kemur að, þar með talin flest Evrópuríki. Kínverjar eiga þó stærstan hlut í bankanum og stofnfundurinn fer fram þar í landi nú um helgina, þar sem Bjarni Benediktsson er staddur.

Fjármálaráðuneytið fékk heimild á fjáraukalögum til að skuldbinda íslenskan ríkissjóð um 2,3 milljarða króna vegna kaupa á hlut í bankanum. Frosti Sigurjónsson mælti harðlega gegn þeirri ráðstöfun þegar lögin voru rædd á þinginu í desember, enda segir hann ávinning Íslands af fjárfestingunni mjög óvissan.

Í pistli á Facebook-síðu sinni í gærkvöldi segir Frosti að óvíst sé hvort Bjarni eigi nokkurt erindi til Kína, því þrátt fyrir að heimild hafi verið samþykkt á fjárlögum geti Ísland ekki orðið fullur aðili að honum fyrr en Alþingi staðfestir samþykktir bankans, þar sem krafist sé undanþágu bankans og starfsmanna hans frá sköttum og undanþágu frá fjármálaeftirliti.

Vonandi verđur skemmtilegt fyrir Bjarna ađ ferđast til Kína. Ţađ er hins vegar alveg óvíst hvort hann á ţangađ nokkurt...

Posted by Frosti Sigurjonsson on Friday, 15 January 2016

Frosti segir að í raun verði þessi banki því hafinn yfir lög og reglur Íslands. Alþingi þurfi að samþykkja að svo megi verða og til að réttlæta slíkar undanþágur telur Frosti að almannahagsmunir þurfi að vera miklir.

Hins vegar sé alls óvíst sé hvort Ísland fái nokkuð út úr því. Hlutur Íslands í bankanum verður aðeins 0,028% og því muni Ísland engin áhrif hafa og engan stjórnarmann.

Frosti segir jafnframt erfitt að sjá að aðild Íslands að Innviðafjárfestingabanka Asíu muni hafa nokkuð að segja fyrir íslenskt atvinnulíf. Hann telur að Ísland geti hæglega styrkt góð samskipti við Asíu eftir öðrum og gagnsærri leiðum, án þess að eiga hlut í bankanum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Frosti segir óvíst hvort fjármálaráđherra eigi nokkuđ erindi til Kína
Fara efst