Matur

Frískandi og falleg vatnsmelónusúpa - UPPSKRIFT

Lilja Katrín Gunnarsdóttir skrifar
Súpan er frískandi yfir sumarið og skemmtilega frábrugðin hefðbundinni gazpacho-súpu.
Súpan er frískandi yfir sumarið og skemmtilega frábrugðin hefðbundinni gazpacho-súpu.

Það finnst sumum kannski skrýtið að borða kalda súpu en uppistaðan í þessari útgáfu af klassískri gazpacho-súpu er vatnsmelónur.

Gazpacho-súpa á rætur sínar að rekja til Andalúsíuhéraðs á Spáni og er afar vinsæl bæði á Spáni og í Portúgal.

Vatnsmelónu-gazpacho-súpa

8-10 bollar fersk vatnsmelóna

1 rauð paprika, skorin smátt

1 bolli tómatar, skornir smátt

1 bolli gúrka, skorin smátt

½ bolli rauðlaukur, skorinn smátt

½ bolli ferskt kóríander

½ bolli fersk minta

1 jalapeño-pipar

2 hvítlauksgeirar

2 msk. ólífuolía

safi úr 1 sítrónu

safi úr 1 súraldini

½ tsk. kúmin

salt og pipar

Takið frá aðeins af gúrku, tómat, rauðlauk og kóríander til að skreyta súpuna með. Setjið öll hráefnin í blandara eða matvinnsluvél og blandið þangað til allt er orðið að mauki. Skreytið og berið strax fram eða geymið í ísskáp. Og ekki gleyma að njóta.-lkg



Fengið hér.


Tengdar fréttir

Mojito-bollakökur - UPPSKRIFT

Þessar girnilegu bollakökur er hægt að gera bæði áfengar eða óáfengar en þær eru afar gómsætar.






Fleiri fréttir

Sjá meira


×