Framtíðin er núna Guðmundur Kristján Jónsson skrifar 3. júlí 2015 07:00 Fjölmörg heillaskref hafa verið stigin í skipulagsmálum á síðustu dögum. Skýrsla Rögnunefndarinnar hefur alla burði til færa umræðu um flugsamgöngur á Íslandi á vitrænt plan, Alþingi hefur samþykkt að láta kanna hagkvæmni lestarsamgangna á suðvesturhorninu og nýtt svæðisskipulag fyrir höfuðborgarsvæðið lítur nú dagsins ljós eftir langt og afar vandað skipulagsferli. Öll þessi mál eru náskyld og meðal þýðingarmestu hagsmunamála fyrir íslenskt samfélag. Á næstu 25 árum mun íbúum höfuðborgarsvæðisins fjölga um 70.000 og það er algjört lykilatriði að þessari fólksfjölgun verði mætt án þess að bílaumferð aukist í sama hlutfalli og án þess að óbyggt land verði brotið í sama mæli og gert hefur verið hingað til. Hugmyndafræði síðustu áratuga um samgöngur á höfuðborgarsvæðinu er úrelt og óásættanleg fyrir þjóð sem vill láta taka sig alvarlega á alþjóðavettvangi. Jafnvel þótt tugum eða hundruðum milljarða yrði veitt í mislæg gatnamót og fjölgun akreina til að liðka fyrir ráðandi ferðavenjum þá myndu þær fjárfestingar ekki koma í veg fyrir miklar umferðartafir með tilheyrandi kostnaði fyrir samfélagið allt. Óbreyttar ferðavenjur munu færa borgina og samfélagið allt aftur í fornaldarflokk. Borgarlínan sem nú er kynnt til leiks í nýsamþykktu svæðisskipulagi er lausnin við þessu fyrirsjáanlega vandamáli. Það hljómar eflaust sem sturlun í eyrum flestra að fjárfesta fyrir milljarða á milljarða ofan í léttlestarkerfi á höfuðborgarsvæðinu sem mun síðan tengjast lestarkerfi sem nær til Hvassahrauns eða Keflavíkur en þetta er framtíðin ásamt rafknúnum sjálfakandi bílum sem munu leysa einkabílinn af. Nú er ekkert annað að gera en að hefjast handa við að beisla vöxt byggðarinnar þannig að hann verði hagkvæmur og umhverfisvænn, ólíkt óheillaþróun síðustu áratuga sem er með öllu fullreynd. Viltu birta grein á Vísi? Sendu okkur póst. Senda grein Alþingi Guðmundur Kristján Jónsson Mest lesið Áttu efnaða foreldra eða ekki? Thelma Lind Jóhannsdóttir Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun Konur sem eiga ekki að eignast börn Diljá Mist Einarsdóttir Skoðun Kennarar – á hraðbraut í kulnun Rakel Linda Kristjánsdóttir Skoðun Höfnum óeðlilegri hagnýtingu sjálfboðaliða Ástþór Jón Ragnheiðarson Skoðun Bændur eru líka neytendur Eyjólfur Ingvi Bjarnason Skoðun Er of mikill hiti í hleðslunni hjá þér? Ágúst Mogensen Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir Skoðun Stuðningur úr óvæntri átt Hjörtur J. Guðmundsson Skoðun Mengun á við 1,7 milljón manns í boði SFS Jón Kaldal Skoðun
Fjölmörg heillaskref hafa verið stigin í skipulagsmálum á síðustu dögum. Skýrsla Rögnunefndarinnar hefur alla burði til færa umræðu um flugsamgöngur á Íslandi á vitrænt plan, Alþingi hefur samþykkt að láta kanna hagkvæmni lestarsamgangna á suðvesturhorninu og nýtt svæðisskipulag fyrir höfuðborgarsvæðið lítur nú dagsins ljós eftir langt og afar vandað skipulagsferli. Öll þessi mál eru náskyld og meðal þýðingarmestu hagsmunamála fyrir íslenskt samfélag. Á næstu 25 árum mun íbúum höfuðborgarsvæðisins fjölga um 70.000 og það er algjört lykilatriði að þessari fólksfjölgun verði mætt án þess að bílaumferð aukist í sama hlutfalli og án þess að óbyggt land verði brotið í sama mæli og gert hefur verið hingað til. Hugmyndafræði síðustu áratuga um samgöngur á höfuðborgarsvæðinu er úrelt og óásættanleg fyrir þjóð sem vill láta taka sig alvarlega á alþjóðavettvangi. Jafnvel þótt tugum eða hundruðum milljarða yrði veitt í mislæg gatnamót og fjölgun akreina til að liðka fyrir ráðandi ferðavenjum þá myndu þær fjárfestingar ekki koma í veg fyrir miklar umferðartafir með tilheyrandi kostnaði fyrir samfélagið allt. Óbreyttar ferðavenjur munu færa borgina og samfélagið allt aftur í fornaldarflokk. Borgarlínan sem nú er kynnt til leiks í nýsamþykktu svæðisskipulagi er lausnin við þessu fyrirsjáanlega vandamáli. Það hljómar eflaust sem sturlun í eyrum flestra að fjárfesta fyrir milljarða á milljarða ofan í léttlestarkerfi á höfuðborgarsvæðinu sem mun síðan tengjast lestarkerfi sem nær til Hvassahrauns eða Keflavíkur en þetta er framtíðin ásamt rafknúnum sjálfakandi bílum sem munu leysa einkabílinn af. Nú er ekkert annað að gera en að hefjast handa við að beisla vöxt byggðarinnar þannig að hann verði hagkvæmur og umhverfisvænn, ólíkt óheillaþróun síðustu áratuga sem er með öllu fullreynd.
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun