Golf

Fowler rakar „USA“ í hárið

Jón Júlíus Karlsson skrifar
Rickie Fowler ásamt liðsfélögum sínum við komuna til Skotlands í morgun.
Rickie Fowler ásamt liðsfélögum sínum við komuna til Skotlands í morgun. Vísir/Getty
Bandaríski kylfingurinn Rickie Fowler mætti ásamt liðsfélögum sínum í bandaríska liðinu til Skotlands í dag þar sem Ryder-bikarinn hefst formlega á fimmtudag. Fowler skartar nýrri hárgreiðslu en hann lét raka nöfn heimalandsins, USA, í hárið á sér.

Fowler er ein af vonarstjörnum Bandaríkjanna í mótinu en hann hefur leikið gríðarlega vel í ár og var í topp-5 í öllum fjórum risamótum ársins.

Tom Watson, fyrirliði Bandaríkjanna, lýsti yfir ánægju sinni með uppátæki Fowler við komuna til Skotlands í morgun en búist er við því að Fowler sé einn af lykilleikmönnum Bandaríkjanna í mótinu.

Ryder-bikarinn hefst með opnunarathöfn á fimmtudag en fyrsti leikur hefst kl. 06:30 á föstudagsmorgun. Mótið verður í beinni útsendingu frá upphafi til enda á Golfstöðinni.

vísir/getty



Fleiri fréttir

Sjá meira


×