Forstjóralaun hækka um milljón á 4 árum Garðar Örn Úlfarsson skrifar 28. febrúar 2015 07:00 Forstjórinn kynnir hagræðingaráætlun Orkuveitunnar sem fylgt hefur verið frá vorinu 2011.Vísir/Anton Eftir nýjustu hækkun á launum Bjarna Bjarnasonar, forstjóra Orkuveitu Reykjavíkur, eru heildarlaun hans 2,4 milljónir króna. Haraldur Flosi Tryggvason, formaður stjórnar OR, segir eigendastefnu fyrirtæksins hafa gert ráð fyrir að grunnlaun forstjórans fylgdu úrskurum kjararáðs um laun forstjóra Landsvirkunar. Nú sé fylgt þeirri stefnu að laun stjórnenda OR standis samanburð við sambærileg störf þótt launakjörin eigi ekki að vera „leiðandi á vinnumarkaði. Auk 1,9 milljóna króna grunnlauna fær Bjarni sérstaklega greitt fyrir setu í stjórnum tveggja dótturfélaga Orkuveitunnar, Gagnaveitunna og OR veitum. Þá leggur Orkuveitan honum til bíl sem reiknast inn í laun hans. Bjarni tók við sem forstjóri Orkuveitunnar 1. mars 2011. Samkvæmt upplýsingum Bjarna sjálfs skömmu eftir ráðninguna hafði hann 1.340 þúsund krónur í mánaðarlaun. Þá sat hann ekki í stjórnum fyrrrgreindra dótturfélaga og fékk ekki bíl frá OR. Launin eru samtals 79,1 prósenti hærri í dag en þau voru fyrir fjórum árum. Á sama tímabili hækkaði vísitala launa almennt um 24,2 prósent samkvæmt Hagstofu Íslands. Hinn þá nýráðni forstjóri boðaði aðhald í fréttum á Bylgjunni 30. mars 2011. „Við viljum herða ólina alls staðar og hjá okkur sjálfum, það skiptir auðvitað mjög miklu máli,“ sagði Bjarni.Haraldur Flosi TryggvasonHaraldur Flosi segir stjórn OR starfa eftir stefnu eigenda fyrirtækisins og starfskjaranefnd þess. „Niðurstaða nefndarinnar, sem stjórn hefur gert að sinni, er sú að reynt er að feta meðalveg milli kjara stjórnenda hjá hinu opinbera og í einkageiranum,“ segir stjórnarformaðurinn. „Bjarni fyllir flokk ákaflega hæfra manna,“ svarar Haraldur aðspurður hvort ekki sé hægt að fá nothæfan forstjóra til Orkuveitunnar fyrir minna en 2,4 milljónir króna á mánuði. „Í þessu samhengi má láta þess getið að meðallaun starfsmanna í samstæðu OR eru 650 þúsund krónur. Meðallaun framkvæmdastjóra í samstæðunni eru rúmlega 1.550 þúsund krónur,“ segir Haraldur og bendir þess utan á að laun forstjóra hafi verið hærri áður: „Þá má til samanburðar geta þess að launakjör fyrrum forstjóra OR voru fram til marsmánaðar árið 2009 um það bil. 2.150 þúsund krónur, sem uppreiknað til núvirðis með launavísitölu er rúmlega þrjár milljónir króna - auk bifreiðahlunninda.“ Eins og fram kom í Fréttablaðinu á fimmtudag samþykkti stjórn OR að fela Haraldi stjórnarformanni að endursemja við Bjarna Bjarnason forstjóra um starfskjör. Við það tilefni bókaði Kjartan Magnússon, fulltrúi Sjálfstæðisflokks, að hann hefði fyrst vitað um það í nóvember síðastliðnum að forstjórinn hefði bíl frá fyrirtækinu. Eiríkur Hjálmarsson, upplýsingafulltrúi OR, segir afnot af bifreiðinni hafa verið í ráðningarsamningi frá 2011. Forstjórinn fékk Toyota Yaris tvinnbíl 1. október 2013. „Kaupin á Yarisnum voru í fullu samráði við formann stjórnar og formann starfskjaranefndar,“ segir Eiríkur. Þegar stjórnin samþykkti á mánudag að hækka laun Bjarna var jafnframt ákveðið að kaupa nýjan forstjórabíl af tegundinni Mitsubishi Outlander PEHV að verðmæti 6.580.000 krónur. „Hann er svokallaður tengiltvinnbíll sem gengur fyrir rafmagni en bensíni ef rafmagnið þrýtur,“ upplýsir Eiríkur. Mest lesið Fjölskylda í norðurljósaleit hrakin á brott af leiðsögumönnum Innlent „Það þarf að stoppa svona menn áður en þeir drepa einhvern“ Innlent Svipar til gamalla óupplýstra rána Innlent Verulega brugðið yfir Hamraborgarmálinu Innlent „Trúði því ekki að þetta væri ég“ Innlent Hátt í hundrað dauðsföll á þremur árum Innlent Vilja koma böndum á bókhald trúfélaga Innlent Líkamsárás til rannsóknar eftir nóttina Innlent Sýknaður af ákæru um að hafa tekið í háls barns Innlent Stjórnmálamaðurinn Joe Lieberman látinn Erlent Fleiri fréttir Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Steinunn Ólína hálfu skrefi frá því að bjóða sig fram Baldur mælist með langmest fylgi Stálu áli í Grindavík en gómaðir af lögreglu Útlit fyrir að gasmengun berist til vesturs og suðvesturs Hæstiréttur bannar síþrotamanni að stunda rekstur Flestir öryggishnappar vegna heimilisofbeldis Fá 82 þúsund fyrir að vinna frá átta til 23 Sjá meira
Eftir nýjustu hækkun á launum Bjarna Bjarnasonar, forstjóra Orkuveitu Reykjavíkur, eru heildarlaun hans 2,4 milljónir króna. Haraldur Flosi Tryggvason, formaður stjórnar OR, segir eigendastefnu fyrirtæksins hafa gert ráð fyrir að grunnlaun forstjórans fylgdu úrskurum kjararáðs um laun forstjóra Landsvirkunar. Nú sé fylgt þeirri stefnu að laun stjórnenda OR standis samanburð við sambærileg störf þótt launakjörin eigi ekki að vera „leiðandi á vinnumarkaði. Auk 1,9 milljóna króna grunnlauna fær Bjarni sérstaklega greitt fyrir setu í stjórnum tveggja dótturfélaga Orkuveitunnar, Gagnaveitunna og OR veitum. Þá leggur Orkuveitan honum til bíl sem reiknast inn í laun hans. Bjarni tók við sem forstjóri Orkuveitunnar 1. mars 2011. Samkvæmt upplýsingum Bjarna sjálfs skömmu eftir ráðninguna hafði hann 1.340 þúsund krónur í mánaðarlaun. Þá sat hann ekki í stjórnum fyrrrgreindra dótturfélaga og fékk ekki bíl frá OR. Launin eru samtals 79,1 prósenti hærri í dag en þau voru fyrir fjórum árum. Á sama tímabili hækkaði vísitala launa almennt um 24,2 prósent samkvæmt Hagstofu Íslands. Hinn þá nýráðni forstjóri boðaði aðhald í fréttum á Bylgjunni 30. mars 2011. „Við viljum herða ólina alls staðar og hjá okkur sjálfum, það skiptir auðvitað mjög miklu máli,“ sagði Bjarni.Haraldur Flosi TryggvasonHaraldur Flosi segir stjórn OR starfa eftir stefnu eigenda fyrirtækisins og starfskjaranefnd þess. „Niðurstaða nefndarinnar, sem stjórn hefur gert að sinni, er sú að reynt er að feta meðalveg milli kjara stjórnenda hjá hinu opinbera og í einkageiranum,“ segir stjórnarformaðurinn. „Bjarni fyllir flokk ákaflega hæfra manna,“ svarar Haraldur aðspurður hvort ekki sé hægt að fá nothæfan forstjóra til Orkuveitunnar fyrir minna en 2,4 milljónir króna á mánuði. „Í þessu samhengi má láta þess getið að meðallaun starfsmanna í samstæðu OR eru 650 þúsund krónur. Meðallaun framkvæmdastjóra í samstæðunni eru rúmlega 1.550 þúsund krónur,“ segir Haraldur og bendir þess utan á að laun forstjóra hafi verið hærri áður: „Þá má til samanburðar geta þess að launakjör fyrrum forstjóra OR voru fram til marsmánaðar árið 2009 um það bil. 2.150 þúsund krónur, sem uppreiknað til núvirðis með launavísitölu er rúmlega þrjár milljónir króna - auk bifreiðahlunninda.“ Eins og fram kom í Fréttablaðinu á fimmtudag samþykkti stjórn OR að fela Haraldi stjórnarformanni að endursemja við Bjarna Bjarnason forstjóra um starfskjör. Við það tilefni bókaði Kjartan Magnússon, fulltrúi Sjálfstæðisflokks, að hann hefði fyrst vitað um það í nóvember síðastliðnum að forstjórinn hefði bíl frá fyrirtækinu. Eiríkur Hjálmarsson, upplýsingafulltrúi OR, segir afnot af bifreiðinni hafa verið í ráðningarsamningi frá 2011. Forstjórinn fékk Toyota Yaris tvinnbíl 1. október 2013. „Kaupin á Yarisnum voru í fullu samráði við formann stjórnar og formann starfskjaranefndar,“ segir Eiríkur. Þegar stjórnin samþykkti á mánudag að hækka laun Bjarna var jafnframt ákveðið að kaupa nýjan forstjórabíl af tegundinni Mitsubishi Outlander PEHV að verðmæti 6.580.000 krónur. „Hann er svokallaður tengiltvinnbíll sem gengur fyrir rafmagni en bensíni ef rafmagnið þrýtur,“ upplýsir Eiríkur.
Mest lesið Fjölskylda í norðurljósaleit hrakin á brott af leiðsögumönnum Innlent „Það þarf að stoppa svona menn áður en þeir drepa einhvern“ Innlent Svipar til gamalla óupplýstra rána Innlent Verulega brugðið yfir Hamraborgarmálinu Innlent „Trúði því ekki að þetta væri ég“ Innlent Hátt í hundrað dauðsföll á þremur árum Innlent Vilja koma böndum á bókhald trúfélaga Innlent Líkamsárás til rannsóknar eftir nóttina Innlent Sýknaður af ákæru um að hafa tekið í háls barns Innlent Stjórnmálamaðurinn Joe Lieberman látinn Erlent Fleiri fréttir Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Steinunn Ólína hálfu skrefi frá því að bjóða sig fram Baldur mælist með langmest fylgi Stálu áli í Grindavík en gómaðir af lögreglu Útlit fyrir að gasmengun berist til vesturs og suðvesturs Hæstiréttur bannar síþrotamanni að stunda rekstur Flestir öryggishnappar vegna heimilisofbeldis Fá 82 þúsund fyrir að vinna frá átta til 23 Sjá meira