Forn speki Hávamála á erindi við okkur í dag Magnús Guðmundsson skrifar 26. maí 2015 12:00 Möguleikhúsið frumsýnir leikverkið Hávamál eftir Þórarinn Eldjárn annað kvöld. Visir/GVA „Þetta er svona dálítið í óbeinu framhaldi af Völuspá sem við vorum með árið 2000 og Þórarinn vann líka með okkur,“ segir Pétur Eggerz, leikari og forsvarsmaður Möguleikhússins, sem er tuttugu og fimm ára um þessar mundir. Í tilefni af þessum tímamótum frumsýnir Möguleikhúsið leikverkið Hávamál eftir Þórarin Eldjárn næstkomandi miðvikudag. Einungis þrjár sýningar verða í boði nú í vor og eru þær hluti af dagskrá Listahátíðarinnar í Reykjavík. „Það er ekki aðeins að Þórarinn sé nú aftur með okkur heldur erum við líka með danskan leikstjóra rétt eins og í Völuspá. Reyndar ekki sama danska leikstjórann,“ bætir Pétur við og hlær. „En við höfum líka unnið með þessum áður.“ Leikstjóri sýningarinnar er Torkild Lindebjerg en hann leikstýrði Tveir menn og kassi sem var tilnefnd til Grímuverðlauna árið 2004. Líkast til er þetta í fyrsta sinn sem Hávamál eru færð í leikbúning enda viðamikið verk án hefðbundinnar dramatískrar uppbyggingar enda eru þau fyrst og fremst heilræði. Pétur segir að þessi hugmynd hafi eiginlega dottið inn í spjalli við Þórarin og þróast áfram í samvinnu. „Aðalverkefnið var að búa til ramma og ná að setja þetta í form sem fellur að leikhúsinu. Þórarinn valdi erindin sem unnið er með, en þau eru einkum úr Gestaþættinum. Hann setur þetta yfir á nútímaíslensku og síðan finnum við saman leið til þess að ná utan um það sem er verið að segja. Við nýttum hugmyndafundi og spuna, þreifuðum okkur áfram þar til þetta var komið en þetta var heilmikið ferli.“Rammi verksins er með þeim hætti að unglingsstúlka og móðir hennar hafa villst á fjöllum. Þær koma að sérkennilegu tré þar sem þeim birtist dularfullur maður er kemur undarlega fyrir, en áður en yfir lýkur þurfa mæðgurnar að horfast í augu við sjálfar sig og samskiptin sín á milli. „Málið er að í Hávamálum er forn speki sem kallast á við okkar daglega líf. Vísdómsorð sem falla ekki úr gildi því það er verið að kenna okkur að lifa lífinu eins og almennilegar manneskjur.“ Pétur nefnir einnig að sýningin er unnin í samvinnu við Teater Martin Mutter í Svíþjóð og þaðan komi búningahönnuður verksins, Catherine Giacomini. „Það er svo fyrirhugað að við förum og leikum Hávamál í Svíþjóð á næsta ári en með haustinu komum við til með að sýna í samstarfi við skóla og hugsanlega verða líka fleiri almennar sýningar.“ Auk Péturs leika þær Alda Arnardóttir og Anna Brynja Baldursdóttir í sýningunni. Leikmynd er í höndum Rósu Sigrúnar Jónsdóttur. „Svo erum við með frábæra tónlist sem Guðni Franzson hefur samið fyrir okkur og Stefán Franz Guðnason syngur auk þess sem sjálfur Megas ljær okkur rödd sína. Það er nú afskaplega viðeigandi enda Megas með sönnu tákngervingur tímaleysis.“ Listahátíð í Reykjavík Menning Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Svakalegasta atvinnuumsókn sem sést hefur á FM957 Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira
„Þetta er svona dálítið í óbeinu framhaldi af Völuspá sem við vorum með árið 2000 og Þórarinn vann líka með okkur,“ segir Pétur Eggerz, leikari og forsvarsmaður Möguleikhússins, sem er tuttugu og fimm ára um þessar mundir. Í tilefni af þessum tímamótum frumsýnir Möguleikhúsið leikverkið Hávamál eftir Þórarin Eldjárn næstkomandi miðvikudag. Einungis þrjár sýningar verða í boði nú í vor og eru þær hluti af dagskrá Listahátíðarinnar í Reykjavík. „Það er ekki aðeins að Þórarinn sé nú aftur með okkur heldur erum við líka með danskan leikstjóra rétt eins og í Völuspá. Reyndar ekki sama danska leikstjórann,“ bætir Pétur við og hlær. „En við höfum líka unnið með þessum áður.“ Leikstjóri sýningarinnar er Torkild Lindebjerg en hann leikstýrði Tveir menn og kassi sem var tilnefnd til Grímuverðlauna árið 2004. Líkast til er þetta í fyrsta sinn sem Hávamál eru færð í leikbúning enda viðamikið verk án hefðbundinnar dramatískrar uppbyggingar enda eru þau fyrst og fremst heilræði. Pétur segir að þessi hugmynd hafi eiginlega dottið inn í spjalli við Þórarin og þróast áfram í samvinnu. „Aðalverkefnið var að búa til ramma og ná að setja þetta í form sem fellur að leikhúsinu. Þórarinn valdi erindin sem unnið er með, en þau eru einkum úr Gestaþættinum. Hann setur þetta yfir á nútímaíslensku og síðan finnum við saman leið til þess að ná utan um það sem er verið að segja. Við nýttum hugmyndafundi og spuna, þreifuðum okkur áfram þar til þetta var komið en þetta var heilmikið ferli.“Rammi verksins er með þeim hætti að unglingsstúlka og móðir hennar hafa villst á fjöllum. Þær koma að sérkennilegu tré þar sem þeim birtist dularfullur maður er kemur undarlega fyrir, en áður en yfir lýkur þurfa mæðgurnar að horfast í augu við sjálfar sig og samskiptin sín á milli. „Málið er að í Hávamálum er forn speki sem kallast á við okkar daglega líf. Vísdómsorð sem falla ekki úr gildi því það er verið að kenna okkur að lifa lífinu eins og almennilegar manneskjur.“ Pétur nefnir einnig að sýningin er unnin í samvinnu við Teater Martin Mutter í Svíþjóð og þaðan komi búningahönnuður verksins, Catherine Giacomini. „Það er svo fyrirhugað að við förum og leikum Hávamál í Svíþjóð á næsta ári en með haustinu komum við til með að sýna í samstarfi við skóla og hugsanlega verða líka fleiri almennar sýningar.“ Auk Péturs leika þær Alda Arnardóttir og Anna Brynja Baldursdóttir í sýningunni. Leikmynd er í höndum Rósu Sigrúnar Jónsdóttur. „Svo erum við með frábæra tónlist sem Guðni Franzson hefur samið fyrir okkur og Stefán Franz Guðnason syngur auk þess sem sjálfur Megas ljær okkur rödd sína. Það er nú afskaplega viðeigandi enda Megas með sönnu tákngervingur tímaleysis.“
Listahátíð í Reykjavík Menning Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Seldi upp á útgáfutónleika án útgáfu Tónlist Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Svakalegasta atvinnuumsókn sem sést hefur á FM957 Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira