FÖSTUDAGUR 1. JÚLÍ NÝJAST 07:58

Einn besti dómari heims á flautunni hjá Íslandi á sunnudaginn

SPORT

Foreldrafundir í Melaskóla vegna skólastjóradeilunnar

 
Innlent
23:00 18. JANÚAR 2016
Foreldrar barna í Melaskóla funduđu í kvöld međ bekkjarfulltrúum allra bekkja um stöđuna sem upp er komin í skólanum.
Foreldrar barna í Melaskóla funduđu í kvöld međ bekkjarfulltrúum allra bekkja um stöđuna sem upp er komin í skólanum. VÍSIR/VILHELM

Foreldrar barna í Melaskóla funduðu í kvöld með bekkjarfulltrúum allra bekkja um stöðuna sem upp er komin í skólanum. Markmið fundarins var að kynna fyrir foreldrum ályktun sem bekkjafulltrúarnir hafa samþykkt og gengur út á að ekki verði við það búið að Dagný Annasdóttir skólastjóri komi aftur til starfa þann 1. apríl.

Þrjátíu kennarar við skólann hafa skrifað bréf til Skóla- og frístundaráðs Reykjavíkurborgar þar sem fram kemur að ef Dagný muni halda áfram sem skólastjóri, eftir leyfi sem hún er í og líkur þann 31. mars, þá muni þeir segja upp. Um er að ræða ríflega þrjá fjórðu kennara skólans og þá sem eru með hvað lengstan starfsaldur.

Málið er sagt flókið og viðkvæmt og ekki hafa fengist upplýsingar um það nákvæmlega um hvað deila Dagnýjar og kennaranna snýst.

Sjá einnig: Skólastjóraskipti í Melaskóla eftir verulegar væringar

Samkvæmt heimildum Vísis fengu foreldrar ekki að vita mikið meira á fundinum í kvöld en að starfsfólk skólans hafi ítrekað kvartað yfir samskiptaörðugleikum og trúnaðarbresti. Dagný tók við stöðu skólastjóra Melaskóla árið 2013 og fyrstu kvartanir yfir störfum hennar bárust strax á fyrsta ári hennar í starfi.

Bekkjarfulltrúar munu áfram funda með foreldrum út vikuna og stendur til að reyna að safna sem flestum undirskriftum foreldra við ályktunina til þess að reyna að þrýsta enn frekar á skóla- og frístundaráð til að leysa úr stöðunni sem fyrst.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Foreldrafundir í Melaskóla vegna skólastjóradeilunnar
Fara efst