Fór langt frá sér til að tengjast karakternum Guðrún Jóna Stefánsdóttir skrifar 12. janúar 2017 10:30 Þorbjörg Helga Þorgilsdóttir, leikkona og laganemi, hefur vakið athygli fyrir aðalhlutverkið í þáttaröðinni Fangar. Vísir/Vilhelm Þorbjörg Helga Þorgilsdóttir fer með hlutverk Lindu í þáttaröðinni Fangar. Þorbjörg hefur vakið athygli fyrir kvikmyndaleik síðustu misserin en hún fór einnig með hlutverk Heru í Málmhaus. Um tvö mjög ólík, en samt að einhverju leyti lík, hlutverk er að ræða. „Þetta eru bæði hlutverk sem fylgjast með ungri konu á mjög sérstökum stað í lífi sínu,“ segir Þorbjörg þegar hún ber hlutverk Lindu í Föngum saman við Heru í Málmhaus. „Linda er búin að vera í ákveðnu ástandi með sjálfa sig í langan tíma og það er komið að vissum þolmörkum, sama mætti segja um Heru í Málmhaus. Þær eru báðar að takast á við og berjast gegn hlutum sem þær ráða ekki alveg við. Hvað varðar persónuleikann eru þetta aftur á móti mjög ólíkir karakterar, eiginlega svart og hvítt. Allir hafa mismunandi hliðar og ganga í gegnum mismunandi tímabil í lífinu. Og það fer algjörlega eftir því hvenær maður kynnist fólki hvaða hliðar á því maður fær að sjá. Linda er engin undantekning. Þegar við kynnumst Lindu í Föngum er hún föst í aðstæðum sem kalla ekki alltaf fram hennar bestu hliðar.“Þorbjörg í hlutverkum sínum í Föngum og Málmhaus.Hvert og eitt hlutverk krefst mismunandi undirbúnings að sögn Þorbjargar. „Yfirleitt þegar ég er að leika þá reyni ég að finna mér einhvern grunn, eitthvað tvennt eða þrennt sem karakterinn byggir á. Öll vinna sem kemur eftir það gengur út frá grunnpunktunum. Það tekur mislangan tíma að finna grunntenginguna við karakter, með Lindu tók það alveg einhvern tíma því hún er mjög ólík mér og ég þurfti að fara ansi langt frá sjálfri mér til að finna hana. Það er margt í hennar lífi sem er mér framandi ég þurfti að kynna mér hlutina vel og setja mig inn í þá,“ segir Þorbjörg og bætir við að hún sé virkilega þakklát Ragnari Bragasyni, leikstjóra þáttanna, fyrir það hversu góðan tíma hann gaf henni til að kynnast karakternum. Þess má geta að þættirnir fjalla um tímabil í lífi Lindu og sýna hvernig líf hennar hrynur þegar hún er færð í kvennafangelsi í Kópavogi eftir að hafa ráðist á föður sinn, þjóðþekktan mann úr viðskiptalífinu, og veitt honum lífshættulega áverka. Í fangelsinu kynnist Linda konum sem hafa farið út af sporinu í lífinu. „Þetta eru ekki endilega spennuþættir, þetta eru meiri dramaþættir. Við fáum að fylgjast með fjölskyldu Lindu takast á við aðstæður,“ útskýrir Þorbjörg.Skrítið að leika Lindu og fara svo heim í hversdagslíf Þegar tökur fóru fram síðastliðið sumar var Þorbjörg nýlega komin í fæðingarorlof en hún eignaðist barn í febrúar 2015. „Ég var nýbúin að eignast barn og það að vera í þessum karakter allan daginn og fara svo heim og sinna barninu mínu var auðvitað frekar skrítið. Það er mjög langt skref þarna á milli,“ segir Þorbjörg sem hefur verið í lögfræðinámi við Háskóla Íslands samhliða leikarastarfinu og stefnir á að klára námið í sumar. „Ég sé fram á að geta klárað í sumar svo ég ætla að taka þessa önn í að fá BA-gráðuna mína. En ég mun að sjálfsögðu skoða allt ef ég fæ tækifæri til að takast á við spennandi hlutverk. Ég get alveg hugsað mér að leika meira og vinna við kvikmyndagerð, hvort sem það er fyrir framan eða aftan myndavélina. Mér finnst þetta bara virkilega skemmtilegt form,“ segir Þorbjörg að lokum. Bíó og sjónvarp Mest lesið Allt klárt fyrir tilraun við heimsmet í Hlíðarfjalli Lífið Mislukkuð sýning í Borgarleikhúsinu með góðum sprettum Gagnrýni Flott flutti ódauðlega slagara með Sálinni og Ásgeiri Trausta Lífið Steggjun endaði á árshátíð RÚV Lífið Félag Rikka Daða selur einbýli sem áður var í eigu Rikka Daða Lífið Hefur hannað fyrir Miley Cyrus og Erykah Badu Tíska og hönnun Myndaveisla: Pattra og Gugusar hressastar í drykkjarpartýi Lífið Frumsýning á Vísi: Segja þjóðinni loksins frá harðræðinu á vistheimilunum Bíó og sjónvarp Hvað ber að hafa í huga þegar hvolpur kemur á heimilið Lífið Vaknaði í angist alla morgna Lífið Fleiri fréttir Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Sjá meira
Þorbjörg Helga Þorgilsdóttir fer með hlutverk Lindu í þáttaröðinni Fangar. Þorbjörg hefur vakið athygli fyrir kvikmyndaleik síðustu misserin en hún fór einnig með hlutverk Heru í Málmhaus. Um tvö mjög ólík, en samt að einhverju leyti lík, hlutverk er að ræða. „Þetta eru bæði hlutverk sem fylgjast með ungri konu á mjög sérstökum stað í lífi sínu,“ segir Þorbjörg þegar hún ber hlutverk Lindu í Föngum saman við Heru í Málmhaus. „Linda er búin að vera í ákveðnu ástandi með sjálfa sig í langan tíma og það er komið að vissum þolmörkum, sama mætti segja um Heru í Málmhaus. Þær eru báðar að takast á við og berjast gegn hlutum sem þær ráða ekki alveg við. Hvað varðar persónuleikann eru þetta aftur á móti mjög ólíkir karakterar, eiginlega svart og hvítt. Allir hafa mismunandi hliðar og ganga í gegnum mismunandi tímabil í lífinu. Og það fer algjörlega eftir því hvenær maður kynnist fólki hvaða hliðar á því maður fær að sjá. Linda er engin undantekning. Þegar við kynnumst Lindu í Föngum er hún föst í aðstæðum sem kalla ekki alltaf fram hennar bestu hliðar.“Þorbjörg í hlutverkum sínum í Föngum og Málmhaus.Hvert og eitt hlutverk krefst mismunandi undirbúnings að sögn Þorbjargar. „Yfirleitt þegar ég er að leika þá reyni ég að finna mér einhvern grunn, eitthvað tvennt eða þrennt sem karakterinn byggir á. Öll vinna sem kemur eftir það gengur út frá grunnpunktunum. Það tekur mislangan tíma að finna grunntenginguna við karakter, með Lindu tók það alveg einhvern tíma því hún er mjög ólík mér og ég þurfti að fara ansi langt frá sjálfri mér til að finna hana. Það er margt í hennar lífi sem er mér framandi ég þurfti að kynna mér hlutina vel og setja mig inn í þá,“ segir Þorbjörg og bætir við að hún sé virkilega þakklát Ragnari Bragasyni, leikstjóra þáttanna, fyrir það hversu góðan tíma hann gaf henni til að kynnast karakternum. Þess má geta að þættirnir fjalla um tímabil í lífi Lindu og sýna hvernig líf hennar hrynur þegar hún er færð í kvennafangelsi í Kópavogi eftir að hafa ráðist á föður sinn, þjóðþekktan mann úr viðskiptalífinu, og veitt honum lífshættulega áverka. Í fangelsinu kynnist Linda konum sem hafa farið út af sporinu í lífinu. „Þetta eru ekki endilega spennuþættir, þetta eru meiri dramaþættir. Við fáum að fylgjast með fjölskyldu Lindu takast á við aðstæður,“ útskýrir Þorbjörg.Skrítið að leika Lindu og fara svo heim í hversdagslíf Þegar tökur fóru fram síðastliðið sumar var Þorbjörg nýlega komin í fæðingarorlof en hún eignaðist barn í febrúar 2015. „Ég var nýbúin að eignast barn og það að vera í þessum karakter allan daginn og fara svo heim og sinna barninu mínu var auðvitað frekar skrítið. Það er mjög langt skref þarna á milli,“ segir Þorbjörg sem hefur verið í lögfræðinámi við Háskóla Íslands samhliða leikarastarfinu og stefnir á að klára námið í sumar. „Ég sé fram á að geta klárað í sumar svo ég ætla að taka þessa önn í að fá BA-gráðuna mína. En ég mun að sjálfsögðu skoða allt ef ég fæ tækifæri til að takast á við spennandi hlutverk. Ég get alveg hugsað mér að leika meira og vinna við kvikmyndagerð, hvort sem það er fyrir framan eða aftan myndavélina. Mér finnst þetta bara virkilega skemmtilegt form,“ segir Þorbjörg að lokum.
Bíó og sjónvarp Mest lesið Allt klárt fyrir tilraun við heimsmet í Hlíðarfjalli Lífið Mislukkuð sýning í Borgarleikhúsinu með góðum sprettum Gagnrýni Flott flutti ódauðlega slagara með Sálinni og Ásgeiri Trausta Lífið Steggjun endaði á árshátíð RÚV Lífið Félag Rikka Daða selur einbýli sem áður var í eigu Rikka Daða Lífið Hefur hannað fyrir Miley Cyrus og Erykah Badu Tíska og hönnun Myndaveisla: Pattra og Gugusar hressastar í drykkjarpartýi Lífið Frumsýning á Vísi: Segja þjóðinni loksins frá harðræðinu á vistheimilunum Bíó og sjónvarp Hvað ber að hafa í huga þegar hvolpur kemur á heimilið Lífið Vaknaði í angist alla morgna Lífið Fleiri fréttir Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Sjá meira